ఆసుపత్రి నుంచి శరద్ పవార్ డిశ్చార్జ్

పూణే: ఛాతీ ఇన్ఫెక్షన్ కారణంగా ఒక ప్రైవేట్ ఆసుపత్రిలో చికిత్స పొందుతున్న ఎన్‌సిపి (SP) అధ్యక్షుడు శరద్ పవార్ శనివారం ఆసుపత్రి నుంచి డిశ్చార్జ్ అవుతారని ఆసుపత్రి యాజమాన్యం తెలిపింది. 85 ఏళ్ల రాజ్యసభ సభ్యుడు శ్వాస తీసుకోవడంలో ఇబ్బంది, నిరంతర దగ్గుతో బాధపడుతుండటం వలన, ఈ వారం ప్రారంభంలో పూణే జిల్లాలోని బారామతి పట్టణంలోని తన నివాసం నుండి రూబీ హాల్ క్లినిక్‌కు తీసుకువచ్చారు. శరద్ పవార్(Sharad Pawar) ఆరోగ్యం బాగానే ఉందని, బాగా కోలుకున్నారని, ఈ రోజు మధ్యాహ్నం ఆయనను డిశ్చార్జ్ చేస్తామని ఆసుపత్రి చీఫ్ కార్డియాలజిస్ట్, చైర్మన్, మేనేజింగ్ ట్రస్టీ డాక్టర్ పుర్వేజ్ గ్రాంట్ తెలిపారు.