ఘనంగా సీతారాముల కళ్యాణం

శ్రీ రామ నామ స్మరణతో మారుమోగిన చింతల హనుమాన్ దేవాలయం 

అంగరంగ వైభంగా హనుమాన్ పల్లకి సేవ 

హనుమాన్ దీక్ష పరుల ఆధ్వర్యంలో కార్యక్రమం 

వనపర్తి,(విజయక్రాంతి): వనపర్తి జిల్లా కేంద్రంలోని చింతల హనుమాన్ దేవాలయంలో(Chinthala Hanuman Temple) శనివారం సీతా రాముల కళ్యాణ మహోత్సవం ను హనుమాన్ దీక్ష పరుల ఆధ్వర్యంలో  ఘనంగా నిర్వహించారు. ఈ సందర్భంగా దేవాలయం పరిసరాలు భక్తులతో కిటకిటలాడగా, “శ్రీ రామ జయ రామ” నామస్మరణతో ఆలయం మారుమోగింది. ఉదయం నుంచే ప్రారంభమైన ప్రత్యేక పూజలు, హోమాలు, అర్చనలు భక్తులను ఆధ్యాత్మిక వాతావరణంలో ముంచెత్తాయి. మధ్యాహ్నం సీతా రాముల కళ్యాణం అంగరంగ వైభవంగా నిర్వహించగా, వేద మంత్రోచ్చారణల మధ్య కళ్యాణోత్సవం ఎంతో వైభవంగా సాగింది.

అనంతరం హనుమాన్ పల్లకి సేవ ప్రత్యేక ఆకర్షణగా నిలిచింది. భక్తులు భారీగా పాల్గొని పల్లకి సేవలో భాగస్వాములయ్యారు. హనుమాన్ దీక్ష పరుల ఆధ్వర్యంలో నిర్వహించిన ఈ కార్యక్రమం భక్తి శ్రద్ధలతో కొనసాగింది. భక్తులకు అన్నదాన కార్యక్రమం ఏర్పాటు చేసి, ప్రసాదాలను పంపిణీ చేశారు. గ్రామ ప్రజలు, పరిసర ప్రాంతాల భక్తులు పెద్ద ఎత్తున హాజరై కార్యక్రమాన్ని విజయవంతం చేశారు.మొత్తంగా ఈ వేడుకలు చింతలలో ఆధ్యాత్మిక ఉత్సాహాన్ని నింపగా, భక్తులలో అపార ఆనందాన్ని కలిగించాయి.