మణిపూర్‌లో ఆరుగురు ఉగ్రవాదులు అరెస్ట్

ఇంఫాల్: మణిపూర్‌లో(Manipur) బలవంతపు వసూళ్ల కార్యకలాపాల్లో పాల్గొన్నారనే ఆరోపణలతో మూడు నిషేధిత సంస్థలకు చెందిన ఇద్దరు మహిళలతో సహా ఆరుగురు మిలిటెంట్లను భద్రతా బలగాలు అరెస్టు చేశాయని ఆదివారం ఒక పోలీసు ప్రకటన తెలిపింది. ఇంఫాల్ తూర్పు జిల్లాలోని మోయిరంగ్‌కంపూ సజెబ్ మఖా లీకై ప్రాంతంలో యునైటెడ్ నేషనల్ లిబరేషన్ ఫ్రంట్ (కోయిరంగ్)కు చెందిన ఇద్దరు చురుకైన మహిళా కార్యకర్తలను అరెస్టు చేశారు. వారిని తఖెల్లంబమ్ సనథోయి చాను (19), కొంగ్‌బ్రైలత్పమ్ రామేశ్వరి దేవి (19)గా గుర్తించారు. వారి దగ్గర నుంచి ఆయుధాలు, మందుగుండు సామగ్రి, కమ్యూనికేషన్ పరికరాలను స్వాధీనం చేసుకున్నారు. భద్రతా సిబ్బంది వారి వద్ద నుండి 12 రౌండ్లతో నిండిన మ్యాగజైన్‌ లు, ఒక 9ఎంఎం పిస్టల్, రెండు 38 క్యాలిబర్ తూటాలు, మూడు మొబైల్ ఫోన్లు, ఒక ద్విచక్ర వాహనాన్ని స్వాధీనం చేసుకున్నారు.