2 July, 2026 | 3:05 PM 
జూలైలో వస్తున్న ‘సోలోబాయ్’
బిగ్బాస్ షోతో పాపులర్ అయిన యంగ్ హీరో గౌతమ్ తాజాచిత్రం ‘సోలో బాయ్’తో ప్రేక్షకులను అలరించేందుకు సిద్ధమవుతోంది. నవీన్కుమార్ దర్శకత్వంలో సెవెన్ హిల్స్ ప్రొడక్షన్స్ బ్యానర్పై సతీశ్కుమార్ నిర్మిస్తున్న ఈ చిత్రంలో శ్వేతా అవస్తి, రమ్య పసుపులేటి హీరోయిన్లుగా కనిపించనున్నారు. ఈ రొమాంటిక్ ఎంటర్టైనర్లో పోసాని కృష్ణమురళి, అనిత చైదరి, అరుణ్కుమార్, ఆర్కే మామ, షఫీ, డాక్టర్ భద్రం తదితరులు కీలక పాత్రల్లో నటిస్తున్నారు.
ఇప్పటికే విడుదలైన ఈ మూవీ ఫస్ట్లుక్ పోస్టర్, సాంగ్ సినీప్రియులను ఆకట్టుకున్నాయి. తాజాగా మేకర్స్ ఈ చిత్రాన్ని జూలై 4న థియేటర్లలో విడుదల చేయనున్నట్లు ప్రకటించారు. ఈ సందర్భంగా రిలీజ్ చేసిన పోస్టర్లో గౌతమ్.. కథానాయకి రమ్యతో కలిసి కాలేజ్ బ్యాక్డ్రాప్లో రొమాంటిక్ లుక్లో ఆకట్టుకున్నాడు.
గతంలో ‘ఆకాశ వీధుల్లో’ చిత్రంతో ఆకట్టుకున్న గౌతమ్.. ఇప్పుడు యూత్ఫుల్ కథతో, రొమాంటిక్ వైబ్తో, రెట్టింపు ఎంటర్టైన్మెంట్ డోస్తో వస్తున్నాడు. ఈ చిత్రానికి సినిమాటోగ్రఫీ: త్రిలోక్ సిద్ధు; సంగీతం: జుడా సంధ్య; పాటలు: కాసర్ల శ్యామ్, పూర్ణాచారి, చైతన్యప్రసాద్, కల్యాణ్చక్రవర్తి.
