అత్తను హెల్మెట్‌తో కొట్టి చంపిన అల్లుడు... పట్టించిన సీసీటీవీ ఫుటేజ్

హైదరాబాద్: మనం చేసే తప్పులు ఎవరూ చూడడం లేదని రెచ్చిపోతాయి. ఈ నేపథ్యంలోనే నేరగాళ్లు ఎవరు చూస్తాలేరని విచ్చలవిడిగా హత్యలు, నేరాలు, చోరీలు, చైన్ స్నాచింగ్ లు చేస్తుంటారు. అలాంటి వారిని నిఘా నేత్రాలు(CCTV footage) పట్టిస్తాయి. తాజాగా అత్తను ఓ అల్లుడు హెల్మెట్‌తో కొట్టి చంపిన ఘటన వెలుగులోకి వచ్చింది. కరీంనగర్‌ జిల్లాకు చెందిన స్నేహిత్(28) అనే యువకుడు హైదరాబాద్ కు చెందిన కావ్య అనే యువతిని ప్రేమించి వివాహం చేసుకున్నాడు. ఏప్రిల్ 29వ తేదీన కావ్య తల్లి అరుణ(39)ను బండిపై తీసుకెళ్తూ అల్లుడు స్నేహిత్ హెల్మెట్‌తో కొట్టాడు.

దీంతో ఆమె నియంత్రణ కోల్పోయి బండిపై నుండి రోడ్డుపై పడిపోయింది. ఈ దాడిలో అరుణకు తీవ్ర గాయాలయ్యాయి. అనంతరం తనకు ఫిట్స్ ఉందని అందరిని నమ్మించిన అల్లుడు ఆసుపత్రికి తరలించారు. చికిత్స పొందుతూ పరిస్థితి విషమించడంతో మరుసటి రోజు అరుణ చనిపోయింది. కావ్య ఫిర్యాదు మేరకు కేసు నమోదు చేసిన పోలీసులు సీసీటీవీ ఫుటేజ్ ద్వారా అసలు విషయాన్ని వెలుగులోకి తెచ్చారు. ఈ ఘటనపై కేసు నమోదు చేసిన పోలీసులు అత్తపై దాడికి సంబంధించి దర్యాప్తు చేస్తున్నామని తెలిపారు.