సుల్తానాబాద్,(విజయక్రాంతి): పెద్దపల్లి జిల్లా సుల్తానాబాద్ మున్సిపల్ పరిధిలో ప్రజా పాలన ప్రగతి ప్రణాళికలో భాగంగా అమలు చేస్తున్న 99 రోజుల యాక్షన్ ప్లాన్‌లో భాగంగా 5వ వార్డులో పారిశుద్ధ్యం పై ప్రత్యేక డ్రైవ్ నిర్వహించారు. ప్రభుత్వ విప్, పెద్దపల్లి ఎమ్మెల్యే విజయ రమణారావు ఆదేశాల మేరకు మున్సిపల్ ఛైర్మన్ బిరుదు రాధాకృష్ణ ఆధ్వర్యంలో ఈ కార్యక్రమం చేపట్టారు. ఈ సందర్భంగా మున్సిపల్ సిబ్బంది రోడ్లను శుభ్రపరచడం, చెత్తను తొలగించడం, డ్రైనేజీలను శుభ్రం చేయడం వంటి పారిశుధ్య పనులు నిర్వహించారు. ప్రజలు పరిశుభ్రతపై అవగాహన పెంపొందించుకునేలా సూచనలు చేశారు.ఈ కార్యక్రమంలో మున్సిపల్ కమిషనర్ రమేష్ , వైస్ చైర్మన్ అంతటి పుష్పలత,  కౌన్సిలర్లు స్థానిక ప్రజాప్రతినిధులు పాల్గొన్నారు.