మంథని పట్టణ అభివృద్ధి పనుల కోసం మరో 22 కోట్ల రూపాయలు మంజూరు

మరో 3 నెలలో నూతన ఫించన్ మంజూరుపై నిర్ణయం

మంథనిలో లబ్ధిదారులకు ఇందిరమ్మ ఇండ్ల పట్టాలు పంపిణీ లో రాష్ట్ర మంత్రి శ్రీధర్ బాబు 

మంథని, జనవరి-12(విజయ క్రాంతి): పట్టణ ప్రజలకు మౌలిక వసతుల కల్పనకు ప్రత్యేక చర్యలు తీసుకుంటామని  రాష్ట్ర ఐటి, పరిశ్రమలు, శాసన సభ వ్యవహారాల శాఖ మంత్రి దుద్దిళ్ల శ్రీధర్ బాబు అన్నారు.సోమవారం మంత్రి డి.శ్రీధర్ బాబు మంథని ప్రాంతంలో విస్తృతంగా పర్యటించి పలు అ భివృద్ధి పనులకు, కమ్యూనిటీ హాల్స్ నిర్మాణానికి శంకుస్థాపన చేశారు. అనంతరం శివ కిరణ్ గార్డెన్స్ లో ఏర్పాటు చేసిన పబ్లిక్ మీ టింగ్ లో పాల్గొన్న మంత్రి ఇందిరమ్మ ఇండ్ల లబ్ధిదారులకు ప్రోసిడింగ్ కాపీలను పంపిణీ చేశారు.ఈ సందర్భంగా మంత్రి శ్రీధర్ బా బు మాట్లాడుతూఉమ్మడి రాష్ట్రంలో పెద్ద ఎత్తున తమ హాయంలో ఇందిరమ్మ ఇండ్లు పేదలకు మంజూరు చేశామని అన్నారు.   

నేడు మరో 317 మంది లబ్ధిదారులకు ఇందిరమ్మ ఇండ్ల పంపిణీ చేయడం సంతోషంగా ఉందని అన్నారు.  ఎల్ 2 లబ్ధిదారులుగా ఎంపికైన 298 దరఖాస్తులు, ఎల్ 3  దరఖాస్తులు పరిశీలించి మరో 300 మంది ఇండ్లు లేని నిరుపేదలను ఎంపిక చేసి ఇందిరమ్మ ఇండ్లు పంపిణీ చేసినందుకు చర్యలు తీసుకుంటామని అన్నారు.ఎల్ 1 గా ఎంపికైన ఇందిరమ్మ ఇండ్లు ప్రోసిడింగ్స్ అందుకున్న లబ్ధిదారులకు  4 విడుతలలో 5 లక్షల రూ పాయల ప్రభుత్వ సహాయం నేరుగా బ్యాం కు ఖాతాల ద్వారా అందుతుందని అన్నారు.

ఇందిరమ్మ ఇండ్ల బిల్లుల కోసం ఎవరికీ  రూపాయి ఇవ్వాల్సిన అవసరం లేదని,   ఇందిరమ్మ ఇండ్లలో ఎటువంటి అవినీతి ఆస్కారం లేదని, ఎవరైనా డబ్బులు డిమాం డ్ చేస్తున్నట్లు చిన్న ఫిర్యాదు అందిన కఠిన చర్యలు తీసుకోవాలని మంత్రి ఆర్డిఓ ను ఆదేశించారు. 317 లబ్ధిదారులు మరో 5 నెలలో ఇండ్లు పూర్తి చేసుకుని గృహ ప్రవే శం చేసుకోవాలని, ప్రభుత్వం ప్రతి వారం నిధులు విడుదల చేస్తుందని అన్నారు. ఇంటి నిర్మాణానికి ఎటువంటి సహాయం అవస రం ఉన్న అధికారులు, స్థానిక నాయకులు పూర్తి స్థాయిలో అందుబాటులో ఉండాలని మంత్రి తెలిపారు.  మంథని లో ఉన్న పేదలందరికీ విడుతల వారీగా తప్పనిసరిగా ఇం దిరమ్మ ఇండ్లు మంజూరు చేస్తామని మంత్రి పేర్కొన్నారు.

ఆర్థిక వ్యవస్థను గాడిలో పెడు తూ మరో రెండు మూడు నెలలు నూతన ఫించన్ మంజూరు పై ప్రభుత్వం నిర్ణయం తీసుకుంటుందని మంత్రి తెలిపారు.  ప్రజా ప్రభుత్వం ఏర్పడిన తరువాత మంథని పట్టణంలో 37 కోట్ల రూపాయలు ఖర్చు చేసి సిసి రోడ్లు, డ్రైయిన్ నిర్మాణ పనులు పూర్తి చేసుకున్నామని,మంథని పట్టణంలో దాదా పు రూ. 10 కోట్ల రూపాయలు ఖర్చు చేస్తూ అన్ని వర్గాలకు కమ్యూనిటీ హాల్స్ నిర్మాణానికి నేడు శంకుస్థాపన చేసుకున్నామని,  పట్ట ణంలో పెండింగ్ సీసీ రోడ్లు డ్రైయిన్ల నిర్మా ణ పనులకు రూ. 22 కోట్ల రూపాయలను నేడు మంజూరు చేశామని, త్వరలో ఈ పనులు ప్రారంభం అవుతాయని అన్నారు.

మంథని ఆర్టీసీ డిపో నుంచి పాత పేట్రోల్ బంక్ వరకు రోడ్డు విస్తరణ వరకు  రూ. 15 కోట్ల రూపాయలు, సెంట్రల్ లైటింగ్ కొరకు కోటి 20 లక్షల రూపాయలు, అంబేద్కర్ చౌ రస్తా నుంచి గాంధీ విగ్రహం వరకు రోడ్డు వెడల్పు పనులకు రూ. 50 లక్షల రూపాయలు, బోక్కల వాగు ఇరువైపులా లైటింగ్ కొరకు రూ. 30 లక్షల రూపాయలు, శ్రీపాద కాలనీ నుంచి పోచమ్మ గుడి వరకు 22 లక్షలతో సిసి రోడ్డు నిర్మాణ పనులకు మం జూరు చేసుకున్నామని,మనం చేసే అభివృ ద్ధి సంక్షేమమే ఇతరులకు సమాధానంగా ఉండాలని, రాజకీయంలో వ్యక్తిగతంగా మా ట్లాడటం పద్దతి కాదని మంత్రి హితవు పలికారు.  పేద ప్రజలకు శాచురేషన్ పద్ధతిలో నూతన రేషన్ కార్డులు మంజూరు చేసి కు టుంబంలో ఉన్న ప్రతి ఒక్కరికి నెలకు 6 కి లోల సన్న బియ్యం అందిస్తున్నామని అన్నా రు.పేద ప్రజలకు నెలకు 200 యూనిట్లు ఉచిత విద్యుత్తు సరఫరా చేస్తూ జీరో బిల్ అం దిస్తున్నామని చెప్పారు.

మహిళలకు ఉ చిత బస్సు ప్రయాణం, పేదలకు ఇందిరమ్మ ఇండ్లు పంపిణీ చేస్తున్నామని అన్నారు . గత పాలకుల హయాంలో రేషన్ కార్డులో నూతన పేరు చేర్చుకోవడం కూడా చేయలేదని మంత్రి విమర్శించారు.మంథని పట్ట ణంలోని ఆటో సోదరుల కోసం ప్రత్యేకంగా ఆటోనగర్ ఏర్పాటుకు అవసరమైన భూమి గుర్తించే కార్యక్రమాన్ని రెవెన్యూ డివిజన్ అ ధికారి చేపట్టారని త్వరలోనే ఆటోనగర్ ఏ ర్పాటుకు అనువైన భూమి ఎంపిక చేసి ఇం టి స్థలాలు అందిస్తామని మంత్రి తెలిపారు. పేదల సంక్షేమం అభివృద్ధి కోసం నిరంతరం కృషి చేస్తున్న ప్రభుత్వాన్ని ప్రోత్స హిస్తూ ప్రజలు ఆశీర్వదించాలని మంత్రి విజ్ఞప్తి చేశారు. ఎన్నికల సమయంలో ప్రజలకు ఇచ్చిన ప్రతి హామీ తప్పనిసరిగా నెరవేరుస్తామని మంత్రి పేర్కొన్నారు.

అం తకు ముందు మంత్రి శ్రీధర్ బాబు  మం థని కుచిరాజుపల్లి లో రూ. 4.5 కోట్ల రూపాయలతో నిర్మించనున్న ఆర్ &బీ గెస్ట్ హౌస్ నిర్మాణ పనులకు,  రూ.20 లక్షల రూపాయలతో నిర్మించనున్న బస్టాండ్, రూ. 30 లక్షల రూపాయలతో నిర్మించిన ఈద్గా నిర్మాణ పనులకు శంకుస్థాపన చేశారు.  మంథని పట్టణం పరిధిలో రూ. 8 కోట్ల 5 లక్షల రూ పాయల వ్యవధితో చేపట్టిన వివిధ వర్గాలకు చెందిన 28  కమ్యూనిటీ హాల్స్ నిర్మాణ పనులకు మంత్రి శంకుస్థాపన చేశారు.ఎరుకల గూడెం రోడ్డు నుంచి సి.ఆర్.కే అపా ర్ట్మెంట్స్ నుంచి అయ్యప్ప టెంపుల్ రోడ్డు వరకు కోటి 89  లక్షల రూపాయలతో  చేసి న రోడ్డు నిర్మాణ పనులను , పాత అబ్కారీ కార్యాలయ ఆవరణలో ఏర్పాటు చేసిన డే కేర్ సెంటర్ ను మంత్రి ప్రారంభించారు.

పెంచికల్ పేట్ నుంచి కమాన్ పూర్ రోడ్డు వరకు రూ. 14 కోట్లతో చేస్తున్న రోడ్డు విస్తరణ పనులకు, మూడు కోట్ల రూపాయలతో చేపట్టిన గుడదం రాజాపూర్ బ్రిడ్జి నిర్మాణం పనులకు, రూ.  10 లక్షల రూపాయలతో చేపట్టిన గంగాపురి బస్ స్టాండ్ నిర్మాణ ప నులకు మంత్రి శంకుస్థాపన చేశారు.  అనంతరం కల్యాణ లక్ష్మి ,సి ఏం ఆర్ ఎఫ్ చెక్కు లను మంత్రి సంబంధిత అధికారులకు పం పిణీ చేశారు.ఈ కార్యక్రమంలో  మంథని ఆర్డీఓ సురేష్, మున్సిపల్ కమిషనర్ మనోహర్, తహసీల్దార్, పిడి హౌసింగ్  రాజేశ్వ రరావు, ప్రజా ప్రతినిధులు,సిబ్బంది తదితరులు పాల్గొన్నారు.