ఖుషీ తర్వాత విజయ్ దేవరకొండ నటిస్తున్న చిత్రం ‘వీడీ12’గా రూపొందుతోంది. గౌతమ్ తిన్ననూరి దర్శకత్వంలో ఈ సినిమా రూపొందుతోంది. ప్రస్తు తం మన్నార్‌లో ఈ చిత్రం చిత్రీకరణ జరుపుకుంటోంది. ఈ సినిమాలో విజయ్ దేవరకొండ గూ ఢచారి పాత్రలో నటిస్తున్నా రు. ఇంటెన్స్ యాక్షన్ డ్రామాగా ఈ చిత్రం రూపొందుతోంది. భాగ్యశ్రీ బోర్సే కథానాయికగా నటిస్తున్నారు.

సితార ఎంటర్‌టైన్ మెంట్స్ బ్యానర్‌పై నాగవంశీ, సాయి సౌజన్య సంయుక్తంగా ఈ చిత్రాన్ని నిర్మిస్తున్నారు. అనిరుధ్ రవిచందర్ సంగీతం అందిస్తున్నారు. ఈ చిత్రం నుంచి ఒక ఫోటోను విజయ్ దేవరకొండ సోషల్ మీడియాలో షేర్ చేశారు.

ఈ ఫోటోలో విజయ్ దేవరకొండ క్యాప్ పెట్టుకుని గడ్డంతో సీరియస్ లుక్‌తో కనిపిస్తున్నారు. ఎప్పటికప్పుడు విజయ్ ఏవో ఒక అప్‌డేట్స్ ఇస్తూ సినిమాపై ఆసక్తిని పెంచుతున్నారు. ఈ సినిమా వచ్చే ఏడాది మార్చి 28న విడుదల కానుంది.