న్యూఢిల్లీ: సుప్రీంకోర్టులో సోమవారం విచారణ జరుగుతుండగా భారత ప్రధాన న్యాయమూర్తి బీఆర్ గవాయ్‌పై(CJI BR Gavai) ఒక న్యాయవాది దాడికి ప్రయత్నించాడు. బార్ అండ్ బెంచ్ నివేదిక ప్రకారం, సీజేఐ బీఆర్ గవాయ్‌ నేతృత్వంలోని బెంచ్ ముందు కేసుల ప్రస్తావన సమయంలో ఈ సంఘటన జరిగింది. న్యాయవాది వేదిక వద్దకు వెళ్లి ప్రధాన న్యాయమూర్తిపైకి బూటు విసిరేందుకు ప్రయత్నించాడు. కోర్టు గది లోపల మోహరించిన భద్రతా సిబ్బంది తక్షణమే స్పందించి న్యాయవాది(Supreme Court lawyer) ముందుకు సాగకముందే అతన్ని అడ్డుకుని, ప్రాంగణం నుండి బయటకు తీసుకెళ్లారు. అతన్ని కోర్టు గది నుండి బయటకు తీసుకెళ్తుండగా న్యాయవాది సనాతన ధర్మానికి అవమానం జరిగితే ఉపేక్షించబోనంటూ నినాదాలు చేశారు. ఇలాంటి బెదిరింపులు తనను ప్రభావితం చేయలేవని జస్టిస్ గవాస్ స్పష్టం చేశారు.