యాదాద్రి కొండపై ఆకస్మిక తనిఖీలు

ఔట్‌సోర్సింగ్ ఉద్యోగి సస్పెండ్ 

యాదాద్రి భువనగిరి జూన్ 1 ( విజయ క్రాంతి): యాదగిరిగుట్ట కార్యనిర్వాహణాధికారి వెంకట్రావు దేవస్థాన వివిధ విభాగాలను తనిఖీ చేసి ఔట్సోర్సింగ్ ఉద్యోగిని సస్పెండ్ చేశారు.    గోశాల  తనిఖీ  చేసి రికార్డులు పరిశీలించారు  గోమాతలకు ఇవ్వబడుచున్న దానా, గోగ్రాసము నాణ్యత పరిశీలించారు. కొండ క్రింద లక్ష్మి పుష్కరి నందు నీరు పరిశుభ్రముగా లేనందున పచ్చగా ఉన్నందున సదరు నిర్వహణ అవుట్ సోర్సింగ్ సూపర్ వైజర్ ను విధుల నుండి సస్పెండ్ చేయమని సంబంధిత విభాగము అధికారులను ఆదేశించారు.

కొండక్రింద అద్దె గదులు తనిఖీ చేసి కొన్ని గదులలో ప్లాస్టరింగ్, వాటర్ లేకేజి సమస్యలు ఉండగా వెంటనే ఇంజనీరింగ్ అధికారులను పిలిపించి మారమ్మత్తులు చేయించవలసినదిగా ఆదేశించారు. కొండక్రింద పారిశుధ్య పనులు పరిశీలించి అక్కడక్కడా అపరిశుభ్రముగా యుండగా ఫోన్లో సంబంధిత అధికారులను మందలించారు  కొండపైన మాడవీదులు, క్యూ  లైన్స్ పరిశీలించారు క్యూ కాంప్లెక్స్ లో  మంచి నీటి సదుపాయము ఫ్యాన్స్, ac పని తీరు పరిశీలించారు. క్యూ కాంప్లెక్స్లో  భక్తులతో చర్చించారు. కళ్యాణ కట్ట పరిశీలించారు.