టాటా ప్లేలో టాటా సన్స్ వాటా పెంపు

టెమ్‌సెక్ నుంచి రూ.835  కోట్ల వాటా కొనుగోలు

ముంబై, ఏప్రిల్ 30: టాటా గ్రూప్ హోల్డింగ్ కంపెనీ టాటా సన్స్ తన డీటీహెచ్ సబ్సిడరీ టాటా ప్లేలో వాటాను 70 శాతానికి పెంచుకున్నది. సింగపూర్ ప్రభుత్వానికి చెంది న ఈక్విటీ ఫండ్ టెమ్‌సెక్ నుంచి 10 శాతం వాటాను టాటా సన్స్ 100 మిలియన్ డాలర్లకు (దాదాపు రూ. 835 కోట్లు) కొనుగోలు చేసినట్టు సంబంధిత వర్గాలు వెల్లడించాయి.  డైరెక్ట్ టు హోం (డీటీహెచ్) కంపెనీకి 1 బిలియన్ డాలర్ల విలువ కడుతూ తాజా లావాదేవీ జరిగింది. గతంలో దీనికి వాల్యూయేషన్ 3 బిలియన్ డాలర్ల మేర ఉన్నది. దేశంలో అతిపెద్ద డీటీహెచ్ కంపెనీ అయిన టాటా ప్లేకు  (గతంలో టాటా స్కై) 2.1 కోట్ల మందిచందాదారులు ఉన్నారు. ఈ వెంచర్ నుంచి టెమ్‌సెక్ వైదొలగడంతో టాటా ప్లే ఇక నుంచి టాటా లు, వాల్ట్ డిస్నీల మధ్య 70:30 జా యింట్ వెంచర్‌గా కొనసాగుతుంది.  టాటా ప్లేలో డిస్నీ వాటాను కొనుగోలు చేసేందుకు కూడా టాటా సన్స్ చర్చలు జరిపినట్టు సమాచారం.