-దేశంలో ఏడో ర్యాంకు.. తెలంగాణలో మొదటి స్థానం

-మినిస్ట్రీ ఆఫ్ హోమ్ అఫైర్స్ ఎంపిక 

శామీర్‌పేట్, డిసెంబర్ 1 (విజయక్రాంతి): దేశవ్యాప్తంగా మినిస్ట్రీ ఆఫ్ హోమ్ అఫైర్స్ ఎంపిక చేసిన ఉత్తమ పోలీస్ స్టేషన్లలో శామీర్‌పేట పోలీస్ స్టేషన్ ఏడో స్థానాన్ని, తెలంగాణలో మొదటి స్థానాన్ని సాధించింది. పోలీస్ స్టేషన్ పనితీరు, రికార్డుల నిర్వహణ, బాధితులతో మర్యాదపూర్వకంగా వ్యవహరించడం, ఫిర్యాదులకు సమయానుకూల పరిష్కారం చూపించడం వంటి అంశాలను ఎంహెచ్‌ఏ పరిగణనలోకి తీసుకుంది.

అలాగే స్టేషన్ పరిసరాల పరిశుభ్రత, గార్డెనింగ్, ఉత్త మ సీసీటీటీఎన్‌ఎస్ పని, సిబ్బంది నైపుణ్యం వంటి అంశాలు కూడా పరిశీలనలో ఉన్నా యి. ప్రతి సంవత్సరం దేశవ్యాప్తంగా 10 ఉత్తమ పోలీస్ స్టేషన్లను ఎంపిక చేసే ఈ ప్రక్రియలో, సైబరాబాద్ పోలీస్ కమిషనరేట్‌కు చెందిన శామీర్‌పేట పోలీస్ స్టేషన్ రాష్ట్రంలో అగ్రస్థానాన్ని, దేశంలో ప్రతిష్టాత్మకమైన ఏడో ర్యాంకును సాధించడం విశేషం. ఈ సందర్భంగా ఇన్‌స్పెక్టర్ శ్రీనాథ్, సిబ్బందిని మేడ్చ ల్ డీసీపీ కోటిరెడ్డి, ఏడీసీపీ  పురుషోత్తం, ఏసీపీ  బాలగంగిరెడ్డి అభినందించారు.