ఎమ్మెల్యే హరీష్ బాబు

బెజ్జూర్, డిసెంబర్ 11 (విజయక్రాంతి): కౌటాల మండలంలోని కుంబారి, తాటిపల్లి, మొగడ్ ధగడ్ గ్రామాల్లో సర్పంచ్ అభ్యర్థులు తొర్రెం దివాకర్, చందన్ ఖడే తిరుపతి, ఊర్వత్ జిజాబాయి బాజీరావులకు మద్దతుగా సిర్పూర్ ఎమ్మెల్యే డా. పాల్వాయి హరీష్‌బా బు ప్రచారం నిర్వహించారు.ఈ సందర్భంగా ఆయన మాట్లాడుతూ తాటిపల్లి కుల్తాలో సాగుచేసుకుంటున్న రైతులకు వ్యవసాయ విద్యుత్ కనెక్షన్లు కల్పించేలా చర్యలు తీసుకుంటామని హామీ ఇచ్చారు.

అలాగే వాల్మీకి సమా జ కమ్యూనిటీ హాల్ను పూర్తి చేయడానికి అవసరమైన నిధులను కేటాయించేందుకు కృషి చేస్తామని తెలిపారు. గ్రామాల్లో పెండింగ్లో ఉన్న సమస్యలను పరిశీలించి పరిష్కరించడానికి ప్రాధాన్యం ఇస్తామని పేర్కొన్నారు.

సామా జిక స్పృహ, బాధ్యతతో పనిచేసే అభ్యర్థులను సర్పంచులుగా గెలిపించాలని, ఎవరి ప్రలోభాలకు, డబ్బులకు లొంగవద్దని గ్రామస్తులను కోరారు.ఈ కార్యక్రమంలో మండల ఇంచార్జి అరుణ్ లోయ, మండల అధ్యక్షులు కుంచాల విజయ్, భాజపా సీనియర్ నాయకులు వాను పటేల్, బూర్ల రవి, ఎల్ములే మధుకర్, నౌగడే భావ్రావు, ధోని వెంకటేష్, పెద్ది హరీష్, చౌదరి సునీల్, అనిల్ తదితరులు పాల్గొన్నారు.