కామారెడ్డి నియోజకవర్గంలో నాలుగు గ్రామాల సర్పంచులు ఏకగ్రీవం

కాంగ్రెస్ బలపరిచిన అభ్యర్థుల గెలుపు..

రాష్ట్ర ప్రభుత్వ సలహాదారు షబ్బీర్ అలీ..

కామారెడ్డి (విజయక్రాంతి): కాంగ్రెస్ ప్రభుత్వం చేసిన అభివృద్ధి కాంగ్రెస్ బలపరిచిన నలుగురు సర్పంచులు ఏకగ్రీవంగా ఎన్నికవ్వడం పునాది అని రాష్ట్ర ప్రభుత్వ సలహాదారు షబ్బీర్ అలీ అన్నారు. శనివారం సాయంత్రం ఆయన స్వగృహంలో ఏర్పాటు చేసిన విలేకరుల సమావేశంలో ఆయన మాట్లాడారు. ప్రతిపక్ష పార్టీలకు చెందిన అభ్యర్థులే పోటీ చేసేందుకు కరువయ్యారని అన్నారు. కామారెడ్డి నియోజకవర్గంలోని మాచారెడ్డి మండలంలో 4 గ్రామ పంచాయతీలో కాంగ్రెస్ పార్టీ బలపరిచిన అభ్యర్థులు ఏకగ్రీవంగా ఎన్నికైనట్లు తెలిపారు. ప్రతిపక్షాలకు అభ్యర్థులు కరువు అయ్యారన్నారు. మాచరెడ్డి మండలం వెనుక తండాలో ఏకగ్రీవంగా సర్పంచుగా కేలోతుపద్మ స్వామి, మాచారెడ్డి మండలం ఎల్లంపేట గ్రామంలో మారుపాక అంజమ్మ, లక్ష్మీ రాజ్యం, అంకిరెడ్డిపల్లి తాండ లో సర్పంచ్ గా బానోతు శ్రీరామ్, బోడగుట్ట తండాలో సర్పంచ్ గామాలోత్ సంతోష్ ఏకగ్రీవంగా గ్రామస్తుల ఎన్నుకున్నట్లు తెలిపారు. 

తెలంగాణ రాష్ట్రంలో సర్పంచ్ పదవులను ఏకగ్రీవంగా ఎన్నికైన సర్పంచ్‌లకు ప్రభుత్వం రూ. 10 లక్షలు ప్రోత్సాహకం అందిస్తుందన్నారు. ఎంపీ నిధుల నుండి కాంగ్రెస్ పార్టీ ఎస్ డి ఎఫ్, నా నీధుల నుండి అదనంగా పది లక్షల రూపాయలు గ్రామాల అభివృద్ధికి అందిస్తామన్నారు. కామారెడ్డి నియోజకవర్గం 80 శాతం స్థానాలను కాంగ్రెస్ పార్టీ బలపరిచిన అభ్యర్థులు గ్రామపంచాయతీ సర్పంచ్ గా ఎన్నికవుతారని ఆయన తెలిపారు. కాంగ్రెస్ చేసిన అభివృద్ధి మా అభ్యర్థుల గెలుపుకు పునాది అని అన్నారు. రాష్ట్రంలో మ‌హిళా సంఘాల‌కు రూ.304 కోట్ల వ‌డ్డీలేని రుణాలు ప్ర‌భుత్వం అంద‌జేస్తుందన్నారు. కామారెడ్డి నియోజకవర్గానికి సంబంధించి రూ.3 కోట్ల 25 లక్షలు నియోజకవర్గానికి సంబంధించి చెక్కులను అందజేశామన్నారు. రాష్ట్రవ్యాప్తంగా వడ్డీ లేని రుణాలను మూడో విడత అందిస్తున్నామన్నారు.

మహిళలకు నియోజకవర్గానికి 3500 ఇందిరమ్మ ఇండ్లు అందిస్తున్నామనీ తెలిపారు. 200 యూనిట్ల వరకు ఉచిత విద్యుత్ అందిస్తున్నామన్నారు. ప్రతి కుటుంబానికి సన్న బియ్యం, 500కే గ్యాస్ సిలిండర్లు పంపిణీ చేస్తున్నామన్నారు. మహిళలకు ఉచిత బస్సు సౌకర్యాన్ని కల్పించింది. మహిళలకు పెట్రోల్ బంకులు కేటాయిస్తున్నామన్నారు. ఈ సమావేశంలో జిల్లా గ్రంధాలయ సంస్థ చైర్మన్ మద్ది చంద్రకాంత్ రెడ్డి, టిపిసిసి ప్రధాన కార్యదర్శి బద్దం ఇంద్రకరణ్ రెడ్డి, మాజీ డిసిసి అధ్యక్షులు కైలాస్ శ్రీనివాసరావు, మండల కాంగ్రెస్ అధ్యక్షుడు గూడెం శ్రీనివాస్ రెడ్డి, మాజీ సిడిసి చైర్మన్ కారంగుల అశోక్ రెడ్డి, మాజీ జెడ్పిటిసి, మాజీ మార్కెట్ కమిటీ చైర్మన్ నిమ్మ దామోదర్ రెడ్డి, శ్రీనివాస్ యాదవ్, దోమకొండ శ్రీనివాస్, తదితరులు పాల్గొన్నారు.