ఏనుగుల గుంపు దాడి.. ఒకే కుటుంబంలో ముగ్గురు మృతి

బొకారో: జార్ఖండ్‌లోని బొకారోలో గురువారం ఐదు ఏనుగుల గుంపు ఒకే కుటుంబానికి చెందిన ముగ్గురిని తొక్కి చంపినట్లు అటవీ శాఖ అధికారి(Forest Department Officer) తెలిపారు. ఈ ఘటన మహువాదన్ర్ పోలీస్ స్టేషన్ పరిధిలోని బర్కిపున్ను గ్రామంలో తెల్లవారుజామున 3 గంటల ప్రాంతంలో జరిగింది. వరి కోసం ఏనుగుల గుంపు వారి ఇంటిపై దాడి చేసి, దానిలో కొంత భాగాన్ని ధ్వంసం చేసింది.

ఆ ముగ్గురూ తప్పించుకోవడానికి ప్రయత్నించినప్పుడు, ఇంటి బయట ఉన్న ఏనుగులు వారిని తొక్కి చంపేశాయని బొకారో డివిజనల్ ఫారెస్ట్ ఆఫీసర్ సందీప్ షిండే తెలిపారు. ఏనుగుల గుంపు చాలా రోజులుగా బర్కిపున్ను ప్రాంతంలో తిరుగుతోందని అటవీ శాఖ అధికారి చెప్పాడు. మృతుల బంధువులకు పరిహారం చెల్లించే ప్రక్రియ ప్రారంభించబడిందని షిండే తెలిపారు. ఈ ఘటనపై కేసు నమోదు చేసుకున్న పోలీసులు మృతదేహాలను స్వాధీనం చేసుకుని పోస్టుమార్టం నిమిత్తం మార్చురీకి తరలించారు.