ఘజియాబాద్: ఉత్తరప్రదేశ్‌లోని ఘజియాబాద్‌లోని జాతీయ రహదారి-9పై(National Highway-9) వేగంగా వస్తున్న మోటార్‌సైకిల్ ఆగి ఉన్న ట్రక్కును ఢీకొట్టడంతో ముగ్గురు యువకులు మృతి చెందినట్లు పోలీసులు బుధవారం తెలిపారు. విజయ్ నగర్ ప్రాంతంలోని ఐపీఈఎం కాలేజ్ కట్ సమీపంలో మంగళవారం రాత్రి ఈ సంఘటన జరిగిందని వారు తెలిపారు. మృతులను శాంతి నగర్ నివాసితులైన ఆర్యన్ (16), భావుక్ తోమర్ (15), మయాంక్ (11)గా గుర్తించినట్లు అసిస్టెంట్ కమిషనర్ ఆఫ్ పోలీస్ (కొత్వాలి) రితేష్ త్రిపాఠి తెలిపారు. పోలీసులు తెలిపిన వివరాల ప్రకారం, హైవేపై వెనుక నుండి మోటార్ సైకిల్ ఆగి ఉన్న ట్రక్కును ఢీకొట్టడంతో ముగ్గురూ అక్కడికక్కడే మృతి చెందారు. వారి మృతదేహాలను ఎంఎంజి జిల్లా ఆసుపత్రికి పోస్ట్ మార్టం నిమిత్తం పంపారు. ప్రమాదం తర్వాత ట్రక్కు డ్రైవర్ అక్కడి నుంచి పారిపోయాడు. వాహనాన్ని రోడ్డుపైనే వదిలేసి పారిపోయాడని, ట్రక్కును స్వాధీనం చేసుకున్నామని, తదుపరి దర్యాప్తు జరుగుతోందని పోలీసులు పేర్కొన్నారు.