కాటారం దత్తాత్రేయ స్వామి ఆలయంలో ప్రత్యేక పూజలో టి పిసిసి ప్రధాన కార్యదర్శి శ్రీను బాబు

మంథని (విజయక్రాంతి): రాష్ట్ర ప్రజలందరూ సుఖసంతోషాలతో ఆయురారోగ్యాలతో జీవించాలని టీపీసీసీ ప్రధాన కార్యదర్శి దుద్దిళ్ల శ్రీను బాబు అన్నారు. ఆదివారం మంథని నియోజకవర్గంలోని కాటారం మండల ధన్వాడ గ్రామంలో శ్రీ దత్తాత్రేయ స్వామి వారి ఆలయంలో దత్త నవరాత్రుల సందర్భంగా శ్రీను బాబు కుటుంబ సభ్యులతో కలిసి ప్రత్యేక పూజలు నిర్వహించి, అరుణ హోమంలో పాల్గొన్నారు. ఈ సందర్భంగా ఆయన మాట్లాడుతూ మంథని ప్రాంతంలోని ప్రజలతో పాటు రాష్ట్ర ప్రజలందరూ, సుఖసంతోషాలతో ఆయురారోగ్యాలతో జీవించాలని సకాలంలో వర్షాలు కురిసి పాడి పంటలు సమృద్ధిగా పండాలని కోరుకున్నట్టు తెలిపారు‌. అనంతరం వేద పండితులు శ్రీను బాబు గారికి ఆశీర్వచనం అందించారు. శ్రీ మంత్రకూట సీతారామ గౌతమేశ్వర వేద పాఠశాల విద్యార్థి బృందాన్ని సత్కరించారు.