గెలుపు గుర్రాలకే టికెట్ కేటాయించాలని తీర్మానం..

గెలుపు కోసం సైనికుల్లా పనిచేయాలి..

మండలాధ్యక్షులు నరసింహ..

సంస్థాన్ నారాయణపూర్ (విజయక్రాంతి): సంస్థాన్ నారాయణపురం మండల కేంద్రంలోని శ్రీ వెంకటేశ్వర ఫంక్షన్ హాల్లో స్థానిక సంస్థల ఎన్నికల సన్నాహక సమావేశం బీఆర్ఎస్ పార్టీ గ్రామ శాఖ అధ్యక్షులు బిక్షం ఆధ్వర్యంలో నిర్వహించారు. ముఖ్య అతిధులుగా మండలాధ్యక్షులు నరసింహ పాల్గొని మాట్లాడుతూ సర్పంచ్ అభ్యర్థులుగా పార్టీకోసం కష్టపడ్డ కార్యకర్తలకే టిక్కెట్లు కేటాయిస్తామని, గెలుపు కోసం సైనికుల్లా పనిచేయాలని పిలుపునిచ్చారు. రాష్ట్ర ప్రభుత్వంపై ఉన్న వ్యతిరేకతను ప్రజల్లోకి తీసుకెళ్లాలని, అనుసరించాల్సిన వ్యూహాలను చర్చించారు. గెలుపు గుర్రాలకే టికెట్ కేటాయించాలని తీర్మానం చేస్తున్నట్లు కలిసి కట్టుగా బీఆర్ఎస్ పార్టీ అభ్యర్థులను గెలిపించుకోవడమే లక్ష్యంగా పని చేస్తామని తెలిపారు.