మధిరలో ఓటర్ల జాబితా ప్రత్యేక సవరణపై బీఎల్ఓ లకు శిక్షణ

పాల్గొన్న టీపీసీసీ రాష్ట్ర ప్రధాన కార్యదర్శి దుద్దిళ్ల శ్రీను బాబు 

మంథని, జూన్ 19(విజయక్రాంతి): ఖమ్మం జిల్లా మధిర నియోజకవర్గం, చింతకాని మండల కేంద్రంలో మండల కాంగ్రెస్ పార్టీ ఆధ్వర్యంలో ఓటర్ల జాబితా ప్రత్యేక సవరణ (SIR - Special Intensive Revision) కార్యక్రమంపై బూత్ లెవెల్ ఏజెంట్లకు (BLA) అవగాహన సదస్సు నిర్వహించారు. ఈ కార్యక్రమానికి తెలంగాణ ప్రదేశ్ కాంగ్రెస్ కమిటీ టీపీసీసీ రాష్ట్ర ప్రధాన కార్యదర్శి దుద్దిళ్ల శ్రీను బాబు ముఖ్య అతిథిగా హాజరయ్యారు. ఓటర్ల జాబితాలో పేర్ల నమోదు, మార్పులు, చేర్పులు మరియు తొలగింపుల ప్రక్రియపై BLAలకు స్క్రీన్ ప్రజెంటేషన్ ద్వారా శ్రీను బాబు వివరించారు.

 ముఖ్యమైన బాధ్యత

 ఎన్నికల ప్రక్రియలో బూత్ లెవెల్ ఏజెంట్ల పాత్ర అత్యంత కీలకమని, ఓటర్ల జాబితాలో ఎటువంటి తప్పులు లేకుండా పకడ్బందీగా చూసుకోవాలని ఆయన దిశానిర్దేశం చేశారు.

 నియోజకవర్గం ప్రాధాన్యత

 రాష్ట్ర ఉప ముఖ్యమంత్రి మల్లు భట్టి విక్రమార్క  ప్రాతినిధ్యం వహిస్తున్న నియోజకవర్గం కావడంతో, పార్టీ కార్యకర్తలు బాధ్యతాయుతంగా వ్యవహరించి ప్రతి ఓటరును నమోదు చేయించడంలో చొరవ చూపాలని సూచించారు. ఈ శిక్షణ కార్యక్రమంలో స్థానిక కాంగ్రెస్ పార్టీ నాయకులు, కార్యకర్తలు మరియు పెద్ద సంఖ్యలో బూత్ లెవెల్ ఏజెంట్లు పాల్గొన్నారు.