సమృద్ధి ఎక్స్‌ప్రెస్‌వేపై ప్రమాదం: ఇద్దరు మృతి

మహారాష్ట్ర: ముంబై-నాగ్‌పూర్ సమృద్ధి ఎక్స్‌ప్రెస్‌వేపై(Samruddhi Expressway) శనివారం ఒక ఎస్‌యూవీ బోల్తా పడి మరో వాహనం ఢీకొన్న ఘటనలో ఇద్దరు మృతి చెందగా, ఆరుగురు గాయపడ్డారని పోలీసులు తెలిపారు. యావత్మల్ నుండి భక్తులతో వెళ్తున్న ఎస్‌యూవీ ఉదయం 9 గంటల ప్రాంతంలో షిర్డీకి వెళుతుండగా ఈ ప్రమాదం జరిగిందని సింద్‌ఖేడ్ రాజా పోలీస్ స్టేషన్(Police Station Sindkhed Raja) అధికారి ఒకరు తెలిపారు.

వాహనం టైర్లలో ఒకటి పగిలి బోల్తా పడిందని, వెనుక నుంచి వచ్చిన కారు దానిని ఢీకొట్టిందని ఆయన తెలిపారు. మృతులను విద్యా సాబుల్, మోతిరామ్ బోర్కర్‌గా గుర్తించినట్లు అధికారి తెలిపారు. గాయపడిన ఆరుగురు వ్యక్తులను సమీపంలోని ఆసుపత్రికి తరలించామని, వారిలో ముగ్గురి పరిస్థితి విషమంగా ఉందని ఆయన చెప్పారు. ట్రాఫిక్ పోలీసులు, అత్యవసర బృందం ప్రమాద స్థలానికి చేరుకుందని, ఎక్స్‌ప్రెస్‌వేలో కొంతసేపు ట్రాఫిక్ అంతరాయం ఏర్పడిందని అధికారి తెలిపారు.