రాంచీ: జార్ఖండ్‌లోని పలము జిల్లాలో గురువారం సిపిఐ (Maoists) చీలిక సంస్థ అయిన నిషేధిత టీఎస్‌పీసీ సభ్యులతో జరిగిన కాల్పుల్లో ఇద్దరు భద్రతా సిబ్బంది మృతి చెందగా, మరొకరు గాయపడ్డారని పోలీసులు తెలిపారు. గురువారం తెల్లవారుజామున 12.30 గంటల ప్రాంతంలో మనాటు పోలీస్ స్టేషన్ పరిధిలోని కేదాల్ ప్రాంతంలో భద్రతా దళాలు, నిషేధిత తృతీయ సమ్మేళన్ ప్రస్తుతి కమిటీ (TSPC) సభ్యుల మధ్య ఎన్‌కౌంటర్ జరిగిందని ఒక అధికారి తెలిపారు. "ఈ కాల్పుల్లో ఇద్దరు భద్రతా సిబ్బంది మరణించగా, ఒక జవాన్ గాయపడ్డాడు. గాయపడిన వ్యక్తిని మేదినిరాయ్ మెడికల్ కాలేజీ, ఆసుపత్రిలో చేర్చారు" అని పలము డిఐజి నౌషాద్ ఆలం(Palamu DIG Naushad Alam) మీడియాకి తెలిపారు.