వాలీబాల్ టోర్నమెంటు పోస్టర్ల ఆవిష్కరణ

మంచిర్యాల టౌన్,(విజయక్రాంతి): మంచిర్యాల జిల్లా వాలీ బాల్ టోర్నమెంట్ పోస్టర్ లను మంచిర్యాల ఎమ్మెల్యే కొక్కిరాల ప్రేమ్ సాగర్ రావు ఆది వారం ఆవిష్కరించారు. ఈ సందర్భంగా ఎంఎల్ఏ మాట్లాడుతూ... మంచిర్యాల పట్టణంలోని జడ్పీ బాయ్స్ హై స్కూల్ లో ఈ నెల 18, 19 తేదీల్లో నిర్వహించే వాలీబాల్ టోర్నమెంట్ పోటీలకు ఎలాంటి ఇబ్బందులు తలెత్తకుండా అన్ని వసతులు, క్రీడాకారులందరికీ నాణ్యమైన భోజన సదుపాయం కల్పిస్తామన్నారు. ఈ కార్యక్రమంలో మంచిర్యాల మున్సిపల్ కార్పొరేషన్ మేయర్ ధర్ని మధూకర్, కార్పొరేటర్లు, కాంగ్రెస్ పార్టీ నాయకులు తదితరులు పాల్గొన్నారు.