న్యూఢిల్లీ, సెప్టెంబర్ 16:  సోలార్ ప్యానల్ తయారీ కంపెనీ వారీ ఎనర్జీస్ వచ్చేవారం జారీచేయనున్న ఇనీషియల్ పబ్లిక్ ఆఫర్ (ఐపీవో)కు రూ.1,427-1,503 ప్రైస్‌బ్యాండ్‌గా నిర్ణయించింది. రూ.4,321 కోట్ల సమీకరణ కోసం వారీ ఎనర్జీస్ ఆఫర్ అక్టోబర్ 21న ప్రారంభమవుతుంది. అక్టోబర్ 23న ముగుస్తుంది. యాంకర్ ఇన్వెస్టర్లకు బిడ్డింగ్ అక్టోబర్ 18న జరుగుతుంది. ఈ ఐపీవోలో రూ.3,600 కోట్ల విలువైన తాజా ఈక్విటీ షేర్లనే కంపెనీ జారీచేస్తున్నది.

మరో రూ.721 కోట్ల విలువైన షేర్లను ప్రస్తుత షేర్‌హోల్డర్లు, ప్రమోటర్లు ఆఫర్ పర్ సేల్ (ఓఎఫ్‌ఎస్) మార్గంలో విక్రయిస్తారు.  ఐపీవో  తాజా ఈక్విటీ జారీచేసిన నిధులతో వారీ ఎనర్జీస్ 6 గిగావాట్ల ఇన్‌గోట్ వాఫెర్, సోలార్ సెల్, సోలార్ పీవీ మాడ్యూల్ తయారీ ప్లాంటును ఒడిస్సాలో నెలకొల్పుతుంది. ప్రస్తుతం గుజరాత్, ఉత్తరప్రదేశ్‌ల్లో కంపెనీకి ప్లాంట్లు ఉన్నాయి.