బంగ్లాదేశ్‌లో 48శాతం పోలింగ్

1. మూడు కేంద్రాల్లో పేలిన హ్యాండ్ బాంబులు
2. ఓ బాలికతో సహా ముగ్గురికి గాయాలు
3. భారీ పోలీసు బందోబస్తు
4. ఓటేసిన 12.70 కోట్ల మంది ఓటర్లు

ఢాకా, ఫిబ్రవరి 12: ఏడాదిన్నర క్రితం షేక్ హసీనా ప్రభుత్వం కుప్పకూలినప్పటి నుంచి తీవ్ర అస్థిరతను ఎదుర్కొంటున్న బంగ్లాదేశ్‌లో గురువారం సార్వత్రిక ఎన్నికలు జరిగాయి. కొత్త ప్రభుత్వాన్ని ఎన్ను కోవడానికి ప్రజలు తమ ఓటు హక్కును వినియోగించుకున్నారు. దేశవ్యాప్తంగా ఉన్న 300 పార్లమెంటరీ నియోజకవర్గాలలో 299 స్థానాలకు గురువారం ఉదయం 7:30 గంటలకు (స్థానిక సమయం) భారీ బందోబస్తు మధ్య ఓటింగ్ ప్రారంభమై సాయంత్రం 4:30 వరకు కొనసాగింది.

అయితే, పోలింగ్‌కేంద్రాల లోపల ఓటర్లు ఉన్న ప్రదేశాలలో, వారు ఓటు వేసేందుకు అనుమతించారు. ఒక అభ్యర్థి మరణం కారణంగా ఒక నియోజకవర్గంలో ఎన్నికను రద్దు చేశారు. ఈ ఎన్నికను బంగ్లాదేశ్ నేషనలిస్ట్ పార్టీ (బీఎన్‌పీ), దాని ఒకప్పుడు మిత్రపక్షమైన జమాత్-ఇ-ఇస్లామి మధ్య ప్రత్యక్ష పోటీగా భావిస్తున్నారు. దేశవ్యాప్తంగా మధ్యాహ్నం 2 గంటల వరకు దాదాపు 48 శాతం ఓటర్లు ఓటు వేసినట్లు ఎన్నికల కమిషన్ సీనియర్ కార్యదర్శి అక్తర్ అహ్మద్ తెలిపారు.

ఈ ఎన్నికల్లో పదవీచ్యుతులైన ప్రధానమంత్రి షేక్ హసీనా పార్టీ అవామీ లీగ్ పోటీలో లేదు. గత సంవత్సరం ప్రధాన సలహాదారు ముహ్మద్ యూనస్ తాత్కాలిక ప్రభుత్వం అవామీ లీగ్‌ను రద్దు చేసి, ఎన్నికల్లో పోటీ చేయకుండా నిషేధించింది. దేశవ్యాప్తంగా 299 నియోజకవర్గా ల్లోని 42,779 పోలింగ్ కేంద్రాల్లో దాదాపు 12 కోట్ల 70 లక్షల (127 మిలియన్ల) మంది ఓటర్లు తమ ఓటు హక్కును వినియోగించుకున్నారు. బంగ్లాదేశ్‌లో ప్రధానంగా రెండు ప్రధాన పార్టీలు పోటీ పడుతున్నాయి.

గురువారం ఉదయమే ప్రధాన సలహాదారు యూనస్, రెండు పార్టీల ముఖ్యనాయకులు తమ ఓటు హక్కును వినియోగించుకున్నారు. ఢాకాలోని గుల్షన్ మోడల్ స్కూల్, కాలేజ్ సెంటర్‌లో బీఎన్‌పీ చైర్మన్ తారిఖ్ రెహమాన్, 11 పార్టీల కూటమికి నాయక త్వం వహిస్తున్న కుడి-వింగ్ జమాత్-ఇ-ఇస్లామి చీఫ్ షఫీకర్ రెహమాన్ మోనిపూర్ ఉచ్చా విద్యాలయంలో ఓటు వేశారు. అయితే చాలా చోట్ల ఇప్పటికే ఓట్ల లెక్కింపు ప్రారంభమైంది. శుక్రవారం ఎన్నికల ఫలితాలు వెలువడే అకాశం ఉంది. 

పేలిన హ్యాండ్ బాంబులు

గోపాల్‌గంజ్‌లోని నిచుపారాలోని రేష్మా ఇంటర్నేషనల్ స్కూల్ సెంటర్‌లో మున్షిగం జ్- నియోజకవర్గంలోని ఒక పోలింగ్ కేంద్రం వెలుపల హ్యాండ్‌బాబుల పేలుళ్లు సంభవించాయి. ఈ పేలుళ్లలో ఓ 13 ఏళ్ల బాలికతో సహా ముగ్గురు వ్యక్తులు గాయపడ్డారు. ఆయా కేంద్రాల్లో కొన్ని నిమిషాల పాటు పోలింగ్‌ను నిలిపేసి, తిరిగి ప్రారంభించారు. 

ఎన్నికల కమిషన్ భారీ భద్రత 

ఎన్నికల కమిషన్ విస్తృత భద్రతా ఏర్పాట్లు చేసింది. దాదాపు 10లక్షల మంది భద్రతా సిబ్బందిని మోహరించింది.- ఇంత భారీ స్థాయిలో బంగ్లాదేశ్ ఎన్నికల చరిత్రలో ఇప్పటివరకు ఎన్నడూ ఇలా బందోబస్తు కల్పించలేదు. అధికారులు రాజధానిలోని కీలక ప్రాంతాలలో ఆర్మర్డ్ పర్సనల్ క్యారియర్లు (ఏపీసీలు), రాపిడ్ యాక్షన్ టీమ్(ఆర్‌ఏటీలు)లను మోహరించారు. మొదటిసారిగా, ఎన్నికల కోసం డ్రో న్లు, బాడీ-వోర్న్ కెమెరాలు ఉపయోగించారు.

బంగ్లాలో మరో హిందువు హత్య

బంగ్లాదేశ్‌లో మరో హిందువును గుర్తుతెలియని దుండగులు హత్య చేశా రు. కాళ్లు,చేతులు కట్టేసి, అనేక తీవ్ర గాయాలతో కూడిన మృతదేహాన్ని టీ తోటలో పడేసి వెళ్లిపోయారు. ఈ సం ఘటన బంగ్లాలో ఎన్నికల పోలింగ్‌కు ఒక రోజు ముందు బుధవారం జరగడంతో అంతా చర్చనీయాంశంగా మా రింది. రతన్ శివోకర్ అనే వ్యక్తి ఇస్లామ్పూర్ యూనియన్‌లోని చంపారా టీ తోటలో దినసరి కూలీగా పనిచేస్తున్నాడు.

మంగళవారం అతడు కనిపిం చకుండా పోయాడు. కుటుంబ సభ్యు లు రాత్రి వరకు అతడి కోసం వెతికినా ఆచూకీ లభించలేదు. బుధవారం ఉదయం తోటి కూలీలు టీ తోటలో పడి ఉన్న రతన్ మృతదేహాన్నిగుర్తించి, కుటుంబానికి, పోలీసులకు సమాచారం ఇచ్చారు. వెంటనే పోలీసులు సంఘటనా స్థలానికి చేరుకుని మృతదేహాన్ని పోస్టుమార్టం నిమిత్తం ఆస్పత్రికి తరలించారు. కేసు నమోదు చేసుకుని దర్యాప్తు చేస్తున్నామని తెలిపారు.