అంకిత్ కొయ్య, నీలఖి హీరో హీరోయిన్లుగా నటిస్తున్న చిత్రం ‘బ్యూటీ’. జీ స్టూడియోస్, మారుతీ టీమ్ ప్రొడకట్స్, వానర సెల్యూలాయిడ్ పతాకాలపై విజయ్ పాల్ రెడ్డి అడిదల, ఉమేశ్ కుమార్ భన్సల్ నిర్మించారు. ఈ సినిమాకు ‘గీతా సుబ్రమణ్యం’, ‘హలో వరల్డ్’, ‘భలే ఉన్నాడే’ ఫేమ్ జె.ఎస్.ఎస్. వర్ధన్ మాటలు, దర్శకత్వ బాధ్యతల్ని నిర్వహించారు. కథ, స్క్రీన్ప్లేని ఆర్.వి. సుబ్రహ్మణ్యం అందించారు.

ఈ చిత్రం ఈ నెల 19న విడుదల కాబోతోంది. ఈ క్రమంలో సినిమాలో కీలక పత్రాలు పోషించిన సీనియర్ నటుడు వీకే నరేశ్, నటి వాసుకి మీడియాతో ముచ్చటించి సినిమా గురించి తెలిపారు. వీకే నరేశ్ మాట్లాడుతూ.. ‘ఇటీవల ఎంటర్టైన్మెంట్, ఎమోషన్స్ కలిసి ఉన్న సినిమాలు తగ్గాయి. ఇందులో ఆ రెండూ ఉన్నాయి. ఇప్పుడు ప్రేక్షకులకు సినిమాటిక్ లిబర్టీ తీసుకుంటే నచ్చట్లేదు. ఆర్గానిక్ గా ఉండాలి.

అలా ఉంటేనే నచ్చుతుంది. ఇవాళ మంచి సినిమా, చెడ్డ సినిమా అని కాదు వాళ్ళు పెట్టే డబ్బులకు సంతృప్తి చెందుతున్నారా లేదా చూస్తున్నారు ఆడియన్స్. ఈ రోజుల్లో మ్యారేజ్ గురించి ఎవరూ ఆలోచించట్లేదు. అది ఒక కమిట్మెంట్. ఇప్పుడు లివ్ ఇన్ రిలేషన్, కలిసి ఎంజాయ్ చేసి విడిపోవడం అంతే. ఇప్పటి పిల్లలకు మనం ఏమీ చెప్పలేము. ఫ్రెండ్ గా ఉండటమే చేయాలి. ఒక రియలిస్టిక్ కంటెంట్ ని అందంగా చూపించారు.

హీరో-హీరోయిన్స్ పాత్రలతో సినిమా అనేది ఇప్పుడు జరగట్లేదు. ఇప్పుడు అన్ని లీడ్ రోల్స్ మాత్రమే. నాకు కూతురు లేదు అనే లోటు ఎప్పుడూ ఉండేది. ఆ లోటు కాదు కానీ కూతురు ఉంటే ఇంత పెయిన్ పడేవాడినా అని  ఈ సినిమాలో అనుభవించాను. ఇవాళ్టి పిల్లలు ఏదో చేస్తున్నారు, సూసైడ్ చేసుకుంటున్నారు.

సినిమాలో ఆ అమ్మాయిని చూసి నేను ఆ పెయిన్ అనుభవించాను. చాలా సినిమాల్లో అమ్మ-కొడుకుల రిలేషన్ చూపించారు కానీ తండ్రి కూతుళ్ళ రిలేషన్ చాలా తక్కువ సినిమాల్లో చూపించారు. ఈ సినిమా చూసి అమ్మాయిలకు వాళ్ళ ఫాదర్ గుర్తొచ్చి కంట్లో నీళ్లు రాకపోతే నన్ను అడగండి. ఇంట్లో అన్ని అమ్మ అయితే ఇంటికి కాంపౌండ్ వాల్ లాంటివాడు నాన్న. ఆ ఎమోషనే బ్యూటీ‘ అని తెలిపారు. 

వాసుకి మాట్లాడుతూ.. ‘ఈ సినిమాలో ఎమోషన్ ఎంత కావాలో అంత ఉంటుంది. ఎంత రియాక్ట్ అవ్వాలో అంతే రియాక్ట్ అవ్వాలి ఎమోషన్ కి. నాకు కూతురు ఉంది. ఇప్పుడు ఉన్న జనరేషన్ లో ప్రతి అమ్మాయి చేసేది మా అమ్మాయి చేస్తుంది. ఈ కథ విన్నప్పుడు చెప్పిన పాయింట్ ఒక తల్లిగా నాకు కనెక్ట్ అయింది. ఒక తల్లికి, అమ్మాయికి ఉండాల్సిన అవగాహన, భాద్యత ఉన్నాయి ఈ కథలో. మదర్స్, పేరెంట్స్ గా మనం స్ట్రిక్ట్ గా ఉంటాం.

కానీ పిల్లల పాయింట్ లో ఏముందో చూడాలి అని నా కూతురికి ఈ సినిమాని చూపించాను. జెన్యూన్ రివ్యూ ఇచ్చింది. ఇప్పటి పిల్లలకు ఏ సినిమా నచ్చుతుందో తెలీదు కానీ తను బాగా కనెక్ట్ అయింది ఈ సినిమా చూసి. నాకు తెలిసింది ఉంది, తెలియంది ఉంది సినిమాలో. నేను ఇంకా జాగ్రత్తగా ఉండాలి అని చెప్పింది. తను డైరెక్టర్ కి కాల్ చేసి.. నేను సింగిల్ గా ఉంటాను భయం ఉంటుంది కానీ ఇప్పుడు మంచి అవగాహన వచ్చింది అని థ్యాంక్స్ చెప్పింది.

ఇప్పటి జనరేషన్ ని తిట్టి పెంచలేము. మంచిగా చెప్పాలి. ఈ జనరేషన్ కి తగ్గట్టే సినిమా ఉంటుంది. సెకండ్ హాఫ్ లో వచ్చే ఫాదర్ ఎమోషన్ కి నేను బాగా కనెక్ట్ అయ్యాను. నరేశ్ ని ఆ పాత్రలో చూసి మా నాన్న గుర్తొచ్చారు. అంకిత్ చాలా సెన్సిబుల్ యాక్టర్. అందరి హీరోలా కాదు తను. అతను ఏం చేస్తున్నాడో అతనికి తెలుసు. సక్సెస్ అవుతాడు. ఈ సినిమా కథ ఇప్పటి జనరేషన్ అమ్మాయిల అందరి చుట్టూ తిరుగుతుంది. ఈ సినిమా చూస్తే అమ్మాయిలు.. వాళ్ళ తండ్రుల మధ్య ఉన్న సమస్యలు తీరిపోతాయి‘ అని తెలిపారు.