తెలంగాణ రాష్ర్టం ఏర్పాటైన తర్వాత రెండవ పర్యాయం జరుగుతున్న స్థానిక సంస్థల ఎన్నికల్లో మరొక సారి రిజర్వేషన్ల కేటాయింపులో బలహీన వర్గాలకు అన్యాయం జరిగిందనే ఆరోపణలు వస్తున్నాయి.1994లో ఆర్టికల్ 243 (డి) (టి) ప్రకారంగా పంచాయతీల్లో, మున్సిపాలిటీల్లో బీసీలకు 34 శాతం రిజర్వేషన్లు కేటాయిస్తే.. 2019లో జరిగిన పంచాయతీ ఎన్నికలలో రిజర్వేషన్లను 23 శాతానికి, ప్రస్తుతం జరుగుతున్న గ్రామ పంచాయతీ ఎన్నికల్లో 17 శాతానికి రిజర్వేషన్లు పరిమితం చేయటంతో రిజర్వేషన్ల కేటాయింపులో బలహీన వర్గాలకు అన్యా యం జరిగింది.

స్థానిక సంస్థల్లో బీసీలకు 42 శాతం రిజర్వేషన్లు కల్పిస్తామని కామారెడ్డి బీసీ డిక్లరేషన్‌లో హామీ ఇచ్చిన కాం గ్రెస్ పార్టీ అధికారంలోకి వచ్చిన తర్వాత రిజర్వేషన్ల సాధనకు చేసిన అన్ని ప్రయత్నాలు విఫలమైన నేపథ్యంలో పార్టీ పరం గా 42 శాతం రిజర్వేషన్లు కల్పిస్తామని పాత పద్ధతితోనే రిజర్వేషన్లను ఖరారు చే స్తూ జీవో నెంబర్ 46ని విడుదల చేస్తూ డిసెంబర్ 11 నుంచి మూడు దశల్లో పం చాయతీ ఎన్నికలను నిర్వహించడానికి నోటిఫికేషన్ విడుదల చేసింది.

మొత్తం 12,728 గ్రామపంచాయతీల్లో బీసీలకు 2,176 గ్రామపంచాయతీలను (17 శాతం) రిజర్వ్ చేయటంతో  రిజర్వేషన్ల కేటాయింపులో ప్రభుత్వాలు మరొకసారి బీసీలను మోసం చేశాయన్న అభిప్రాయం రాష్ట్రం లో ఏర్పడుతున్నది.

రిజర్వేషన్లలో గందరగోళం!

గ్రామపంచాయతీ ఎన్నికల కోసం రా ష్ర్ట ప్రభుత్వం ఖరారు చేసిన రిజర్వేషన్లు గందరగోళంగా మారాయి. చట్టం ప్రకారంగా ఎస్సీ, ఎస్టీలకు 27 శాతం రిజర్వే షన్లు పోగా మిగిలిన 23 శాతం రిజర్వేషన్లు బీసీలకు కేటాయించాలి. కానీ ఎన్నికలు నిర్వహిస్తున్న 12,728 గ్రామపంచాయతీల్లో బీసీలకు కేవలం 2,176 గ్రామపంచా యతీలను అంటే 17 శాతం మాత్రమే కేటాయించడం వలన బలహీనవర్గాలకు అన్యాయం జరిగింది.

2019 గ్రామపంచాయతీ ఎన్నికలలో రాష్ర్ట వ్యాప్తంగా 18 నుంచి 23 శాతం రిజర్వేషన్లు కేటాయిస్తే ప్రస్తుతం కేవలం 17 శాతం రిజర్వేషన్లు మాత్రమే కేటాయించారు. 23 శాతం రిజర్వేషన్ల ప్రకారంగా 2,929 గ్రామపంచాయ తీలు బలహీన వర్గాలకు దక్కాలి కానీ కేటాయించిన మొత్తం గ్రామపంచాయతీల్లో కేవలం 2,176 మాత్రమే బలహీన వర్గాలకు కేటాయించారు. కొత్తగూడెం లాంటి జిల్లాలో 471 గ్రామపంచాయతీలకు గాను బీసీలకు ఒక్క గ్రామ పంచాయతీని కూడా  రిజర్వ్ చేయలేదు. అలాగే 146 గ్రామపంచాయతీలు ఉన్న ములుగు జిల్లాలో బీసీల కు కేటాయించింది కేవలం ఐదు పంచాయతీలు మాత్రమే.

పంచాయతీరాజ్ గ్రా మీణాభివృద్ధి శాఖ మంత్రి ప్రాతినిధ్యం వహిస్తున్న ములుగు జిల్లాలోనే రిజర్వేషన్ల కేటాయింపులో బీసీలకు సరైన ప్రాతిని ధ్యం దక్కలేదని బీసీలు మంత్రి సమక్షంలోనే తమ నిరసన వ్యక్తం చేశారు. రా ష్ర్టం లో అత్యధిక పంచాయతీలు 869 ఉన్న నల్గొం డ జిల్లాలో బీసీలకు కేటాయించిం ది 139 (15.9 శాతం) మాత్రమే. మొ త్తం 31 జిల్లాలు పరిగణలోకి తీసుకొని చూస్తే.. 21 జిల్లాల్లో బీసీలకు 23 శాతం కంటే తక్కువ రిజర్వేషన్లు దక్కటం వల్ల రిజర్వేషన్ల కేటాయిం పులో బీసీలకు అన్యా యం జరిగింది.

ప్రభుత్వం హామీ ఇచ్చిన 42 శా తం ఏమో కానీ గతంలో ఉన్న 23 శాతం రిజర్వేషన్లు కూడా దక్కలేదంటే ప్రభుత్వం బీసీలను నమ్మించి మోసం చేసిందనే భావన  క్షేత్ర స్థాయిలో వ్యక్తమవుతుంది.

రాజీనామాలే ఆయుధం..

తెలంగాణ రాష్ర్టం నుంచి గెలిచిన 17 మంది లోక్ సభ సభ్యులు కానీ.. ఏడుగురు రాజ్యసభ సభ్యులు కానీ ఇంతవరకు పార్లమెంట్ లో బీసీ రిజర్వేషన్ల అంశం ప్రస్తావించలేదు. 42 శాతం రిజర్వేషన్లు కల్పిస్తామని హామీ ఇచ్చిన కాంగ్రెస్ పార్టీ వర్షాకాల పార్లమెంటు సమావేశాలు జరుగుతున్న వేళ పార్లమెంటుకు కూతవేటు దూరంలో ఉన్న జంతర్ మంతర్ దగ్గర బీసీ సంఘాలతో కలిసి ధర్నా నిర్వహించింది.

‘ఓటు చోరీ’ అంశంపై పార్లమెంట్ లో పెద్ద ఎత్తున నిరసన కార్యక్రమాలు చేపట్టింది. కానీ పార్లమెంట్‌లో బీసీ రిజర్వేషన్ల అంశాన్ని ఎందుకు ప్రస్తావించలేదు అనే ప్రశ్నకు ఆ పార్టీ దగ్గర సమాధానం లేదు. రాష్ర్టం నుంచి ప్రాతినిధ్యం వహిస్తున్న భారతీయ జనతా పార్టీకి చెందిన ఇద్దరు కేంద్ర మంత్రులు, ఆరుగురు ఎం పీలు, రాజ్యసభ సభ్యులు, జాతీయ ఓబీసీ మోర్చా అధ్యక్షులు కె.లక్ష్మణ్ కూడా బీసీల రిజర్వేషన్ అంశంపై అటు కేంద్ర ప్రభు త్వం వద్ద కానీ ఇటు పార్లమెంట్‌లో కానీ ప్రస్తావించకపోవడం శోచనీయం.

డిసెంబరు 1 నుంచి ప్రారంభమవుతున్న శీతాకాల పార్లమెంటు సమావేశాలలోనైనా రాష్ట్రానికి చెందిన ఎంపీలు బీసీల రిజర్వేషన్ అంశాన్ని పార్లమెంట్‌లో ప్రస్తావిం చాలి. దేశ అత్యున్నత విధాన నిర్ణయాక వేదికైన పార్లమెంట్‌లో బీసీల రిజర్వేషన్ అంశాన్ని కాంగ్రెస్ పార్టీ లేవనెత్తి కేంద్ర ప్రభుత్వ వైఖరి స్పష్టం చేసే విధంగా ఒత్తిడి తేవాలి. అలాగే బీసీ రిజర్వేషన్ల అంశం దే శం దృష్టిని ఆకర్షించే విధంగా ప్రైవేటు బిల్లునైనా ప్రవేశపెట్టే బాధ్యతను ప్రతిపక్ష నాయకుడు రాహుల్ గాంధీ తీసుకోవాలని బలహీన వర్గాల ఆశిస్తున్నాయి.

రిజర్వేషన్ల సాధన పార్లమెంటరీ ప్రక్రియ ద్వారానే చట్ట రూపంలోకి రావాలి. దానికి కాంగ్రెస్ బాధ్యత తీసుకోవాలి. బీజేపీ సహకరించాలి. ఈసారి పార్లమెంట్‌లో బీసీ రిజర్వేషన్లపై ఎంపీలు గళం విప్పకపోతే వారిని, వారి పార్టీల చిత్తశుద్ధిని శంకించాల్సి ఉంటుంది. నాడు తెలంగాణ రాష్ర్ట సాధన కోసం ఎంపీల రాజీనామా కోరిన విధంగానే నేడు బీసీ రిజర్వేషన్ల సాధనకై ఆ రకమైన డిమాండ్ తెరపైకి రాకముందే ఎంపీలు పార్లమెంట్‌లో రిజర్వేషన్లకు అనుకూలంగా తమ గళం విప్పాల్సిన అవసరముంది.

 ఎత్తుగడ రాజకీయం..

90 శాతం గ్రామపంచాయతీలను గెలి చే ఎత్తుగడలో భాగంగానే ప్రభుత్వం ఉద్దేశపూర్వకంగా చట్టం ప్రకారంగా బీసీలకు రావలసిన 23 శాతం రిజర్వేషన్లను 17 శా తానికి పరిమితం చేసిందని రిజర్వేషన్లు కేటాయింపు చూస్తే స్పష్టమవుతుంది. బీసీలకు 42 శాతం పార్టీ పరమైన రిజర్వేషన్లు కల్పిస్తామని హామీ ఇచ్చారు. అంటే పార్టీ పరంగా 3,169 గ్రామపంచాయతీలను అదనంగా కాంగ్రెస్ పార్టీ బీసీలకు కేటాయించగలుగుతుందా!.

మరొకవైపు బీసీల కు కేటాయించే గ్రామ పంచాయతీల పట్ల బీజేపీ, బీఆర్‌ఎస్‌లు తమ వైఖరిని ఇంకా స్పష్టం చేయలేదంటే మూడు రాజకీయ పార్టీలు బీసీలను మోసం చేయబోతున్నాయి అనే విషయాన్ని బలహీనవర్గాలు గ్రహించాలి. రాజకీయ పార్టీలు ఎత్తుగడలకు దీటుగా బలహీనవర్గాలు ఎన్నికలను తమ ఉద్యమ బలోపేతానికి ఉపయోగించుకోవాలి. 

మొత్తం 12,728 గ్రామపంచాయతీల్లో చట్ట ప్రకారంగా ఎస్సీ, ఎస్టీలకు రిజర్వ్ చేసిన 3,436 గ్రామపంచాయతీలు పోగా మిగిలిన 9,292 గ్రామపంచాయతీల్లో గెలుపోటములు ఎలా ఉన్నా బలహీనవ ర్గాలు పోటీ చేయాలి. ఈ ఎన్నికలను బీసీ ఉద్యమ భావజాల వ్యాప్తికి ఉపయోగించుకుంటే బలమైన బీసీ ఉద్యమాన్ని సంస్థాగ తంగా నిర్మించుకోవడానికి అవకాశం దక్కుతుంది.

బీసీలు ఓటు బ్యాంకుగా బలమైన రాజకీయ శక్తిగా మారనంతకాలం మరొక దశాబ్దానికైనా బీసీలు అధికారం దరిదాపుల్లోకి చేరువ కాలేరు. కాబట్టి గ్రా మపంచాయతీ ఎన్నికలను ఉద్యమానికి తొలిమెట్టుగా వాడుకునే వ్యూహాత్మక ఎత్తుగడలను రూపొందించుకోవాలి. ప్రభు త్వం ఎన్నికలను ఎలా నిర్వహిస్తుందో చూ స్తాం లాంటి సవాళ్లు కాకుం డా ఎత్తుగడ రాజకీయాలే భవిష్యత్తు బీసీ ఉద్యమాలను బలోపేతం చేస్తాయని బీసీ సమాజం గుర్తించాలి.

వ్యాసకర్త సెల్: 9885465877