పట్టణ ప్రజల అభివృద్ధికి తోడ్పడాలి

ఎమ్మెల్యే విజయుడు 

అలంపూర్, ఫిబ్రవరి 19:అలంపూర్ పట్టణ ప్రజల అభివృద్ధి సంక్షేమం కోసం తోడ్పడాలనిఎమ్మెల్యే విజయుడు అన్నారు. ఈ మేరకు గురువారం అలంపూర్ మున్సిపల్ చైర్మన్ గా పిండి జయరాములు బాధ్యతల స్వీకరణ కార్యక్రమానికి ఎమ్మెల్యే విజయుడు ముఖ్యఅతిథిగా హాజరయ్యారు. అనంతరం ఏర్పాటు చేసిన కార్యక్రమంలో ఎమ్మెల్యే మాట్లాడారు. పాలకవర్గంలో ఎలాంటి ఒడిదుడుకులు రాకుండా పాలన సజావుగా కొనసాగేలా అందరి సమన్వయంతో ముందుకు వెళ్లాలని ఈ సందర్భంగా చైర్మన్ కు సూచించారు. ముందుగా చైర్మన్ పిండి జయరాములు పూజ అనంతరం బాధ్యతలు స్వీకరించారు.

ఈ సందర్భంగా ఆయన మాట్లాడుతూ అలంపూర్ పట్టణ ప్రజలకు మెరుగైన సేవలు అందిస్తానని ఆ దిశగా కొనసాగుతానని తెలిపారు. అనంతరం నాయకులు ఎమ్మెల్యేను చైర్మన్ ను శాలువా కప్పిపూలమాలలతో సత్కరించారు. ఈ కార్యక్రమంలో వైస్ చైర్మన్ విక్రమ్ కౌన్సిలర్లు అసిఫ్ ఖాన్, మోహన్ రెడ్డి, మాధురి , కమిషనర్ శంకర్, టిఆర్‌ఎస్ నాయకులు తదితరులు పాల్గొన్నారు.