క్రైమ్ థ్రిల్లర్‌గా వీకెండ్

వీఐపీశ్రీ హీరోగా, ప్రియా దేషపాగ హీరోయిన్‌గా నటిస్తున్న చిత్రం ‘వీకెండ్’. బీ రాము రచనా దర్శకత్వంలో ఖడ్గధార మూవీస్ బ్యానర్‌పై ఐడీ భారతి నిర్మిస్తున్నారు. పక్కా కమర్షియల్ క్రైమ్ థ్రిల్లర్‌గా తెరకెక్కుతున్న ఈ సినిమా షూటింగ్ ఇటీవల చీరాలలో మొదలైంది. ప్రారంభ కార్యక్రమంలో ఎన్‌ఆర్‌ఐ లేళ జయ, సీనియర్ ఆర్టిస్ట్ అజయ్ ఘోష్ అతిథులుగా పాల్గొన్నారు.

ఈ సినిమా మొదటి షెడ్యూల్ అంతా చీరాలలోనే జరగనుందని చిత్ర దర్శక నిర్మాతలు పేర్కొన్నారు. అజయ్, ఎస్తర్ ముఖ్య పాత్రల్లో నటిస్తున్న ఈ సినిమాలో డెబోర, సునీత, జబర్దస్త్ అశోక్, యోగి ఖత్రే తదితరులు ఇతర పాత్రల్లో నటించనున్నారు. ఈ చిత్రానికి సమర్పణ: ఈశ్వర్, నిఖిత; డీవోపీ: యూఎస్ విజయ్; సంగీతం: ఎన్ అర్జున్.