అతీంద్రియ శక్తుల ఉల్క రహస్యమేంటి?

యంగ్ హీరో ఆదిసాయికుమార్ నటిస్తున్న సూపర్ నేచురల్ థ్రిల్లర్ ‘శంబాల: ఎ మిస్టికల్ వరల్డ్’. యుగంధర్ ముని దర్శకత్వం వహిస్తున్న ఈ చిత్రాన్ని షైనింగ్ పిక్చర్స్ బ్యానర్‌పై రాజశేఖర్ అన్నభీమోజు, మహీధర్‌రెడ్డి నిర్మిస్తున్నారు. అర్చన అయ్యర్, స్వాసిక, రవివర్మ, మధునందన్, శివకార్తీక్ ముఖ్య పాత్రల్లో నటిస్తున్నారు. ఇటీవల ఈ సినిమా మేకింగ్ వీడియోను రిలీజ్ చేసిన మేకర్స్ తాజాగా టీజర్‌ను విడుదల చేశారు.

అంతరిక్షం నుంచి ఏదో ఒక అతీంద్రియ శక్తి ఉన్న ఉల్క, రాయి లాంటిది ఓ గ్రామంలో పడటం.. దాని ప్రభావంతో ఊర్లోని జనాలు చనిపోవడం, వింతగా ప్రవర్తించడం జరుగుతుంటుంది. దాన్ని ఛేదించేందుకు హీరో రావడం..

ఓ ఊరితో పోరాటం చేయడం వంటి ఆసక్తికరమైన అంశాలతో ఈ సినిమాను తెరకెక్కిస్తున్నారని టీజర్ చూస్తే అర్థం అవుతోంది. ప్రస్తుతం షూటింగ్ శరవేగంగా జరుపుకుంటున్న ఈ చిత్రానికి సంబంధించిన రిలీజ్ డేట్‌ను త్వరలో ప్రకటించనున్నారు.