ఏడుపాయల చెక్ డ్యాంలో గుర్తుతెలియని మహిళ మృతదేహం లభ్యం

పాపన్నపేట: ప్రసిద్ధ పుణ్యక్షేత్రమైన పాపన్నపేట మండలం ఏడుపాయల వన దుర్గామాత ఆలయ సమీపంలో ఉన్న చెక్ డ్యామ్ లో మంగళవారం గుర్తుతెలియని మహిళ మృతదేహం లభ్యమైనట్లు ఎస్ఐ శ్రీనివాస్ గౌడ్ పేర్కొన్నారు. చెక్ డ్యాంలో ఓ మహిళ మృతదేహం గమనించిన స్థానికులు పాపన్నపేట పోలీసులకు సమాచారం అందజేయడంతో హుటాహుటిన సంఘటన స్థలానికి చేరుకొని మృతదేహన్ని వెలికి తీసి మృతురాలి ఆచూకీ కోసం పరిశీలించగా ఎలాంటి ఆచూకీ లభ్యం కాలేదు. మృతురాలి దేహం పై బ్లూ కలర్ నైటీతో పాటు, చెవులకు రేడిమెట్ కమ్మలు, ముక్కు పుడక ఉందని, మృతురాలి ఫోటో ఆధారంగా మృతురాలిని గుర్తించిన వారు పాపన్నపేట ఎస్ఐ శ్రీనివాస్ గౌడ్ ఫోన్ నెంబర్ 87126 57920, రూరల్ సీఐ కృష్ణమూర్తి 87126 57883 లకు సంప్రదించాలని ఎస్ఐ కోరారు.