వారెవా వారెవా..

అఖిల్ అక్కినేని హీరోగా మనం ఎంటర్‌ప్రైజెస్ ఎల్‌ఎల్‌పీ, సితార ఎంటర్‌టైన్‌మెంట్స్ పతాకాలపై మురళి కిషోర్ అబ్బూరు దర్శకత్వంలో అక్కినేని నాగార్జున, సూర్యదేవర నాగవంశీ నిర్మిస్తోన్న చిత్రం ‘లెనిన్’. ఈ సినిమాను సోమవారం ‘వారెవా వారెవా’ అనే లిరికల్ సాంగ్‌ను విడుదల చేశారు. ఈ పాటకు అభిమానులు, మ్యూజిక్ లవర్స్ నుంచి చాలా మంచి రెస్పాన్స్ వస్తోంది. ఈ పాటను అనంత శ్రీరామ్ రాయగా..

శ్వేతా మోహన్, జుబిన్ నౌటియాల్ తమ వాయిస్‌తో పాటకు ఓ ఎమోషనల్ ఫీల్ తీసుకొచ్చారు. సెన్సేషనల్ సంగీత దర్శకుడు ఎస్.ఎస్.తమన్ సంగీతం సారథ్యం వహిస్తోన్న  చిత్రంలోని ఈ పాట రొమాంటిక్ ఫీల్ కలిగిస్తోంది. సినిమాలోని భావోద్వేగాలను చక్కగా ప్రతిబింబిస్తూ, హీరో హీరోయిన్ మధ్య కెమిస్ట్రీని హైలైట్ చేసేలా పాట ఉంది. దీంతో ఈ సినిమాపై ఉన్న అంచనాలు మరింత పెరిగాయి. శరవేగంగా షూటింగ్ పూర్తి చేసుకుంటున్న ఈ సినిమా ఇప్పటివరకు 70 శాతం పూర్తయింది. మూవీని సమ్మర్‌లో రిలీజ్ చేయటానికి మేకర్స్ సిద్ధమవుతున్నారు. సినిమాలో అఖిల్ అక్కినేని సరసన భాగ్యశ్రీ బోర్సే హీరోయిన్‌గా నటిస్తున్నారు.