ఏఐ​ సమ్మిట్​లో 'చొక్కాలు విప్పి' యూత్ కాంగ్రెస్ నిరసన

న్యూఢిల్లీ: ఇండియన్ యూత్ కాంగ్రెస్ (Indian Youth Congress) కార్యకర్తల బృందం ఏఐ ఇంపాక్ట్ సమ్మిట్(AI Impact Summit 2026) ఎగ్జిబిషన్ హాల్ వద్ద కొద్దిసేపు నిరసన వ్యక్తం చేసి, ప్రధానమంత్రి నరేంద్ర మోడీకి(Prime Minister Narendra Modi) వ్యతిరేకంగా నినాదాలు చేశారు. భారత్- అమెరికా వాణిజ్య ఒప్పందాన్ని నిరసిస్తూ ఆందోళన చేశారు. తరువాత భద్రతా సిబ్బంది వారిని అక్కడి నుండి తీసుకెళ్లారు. ఏఐ సమ్మిట్‌లో నిరసన తెలుపుతున్నప్పుడు దాదాపు 10 మందిని అదుపులోకి తీసుకున్నట్లు ఒక సీనియర్ పోలీసు అధికారి తెలిపారు. 

"వారిని వెంటనే తొలగించి తిలక్ మార్గ్ పోలీస్ స్టేషన్‌కు(Tilak Marg Police Station) తరలించారు. శాంతిభద్రతలకు భంగం కలిగించడానికి ఎవరినీ అనుమతించరు" అని అధికారి వెల్లడించారు. భారత్-అమెరికా మధ్య మధ్యంతర వాణిజ్య ఒప్పందం మార్చిలో సంతకం చేయబడి ఏప్రిల్‌లో అమలులోకి వచ్చే అవకాశం ఉందని వాణిజ్య, పరిశ్రమల మంత్రి పియూష్ గోయల్(Minister Piyush Goyal) శుక్రవారం తెలిపారు. ఈ నెల ప్రారంభంలో, భారత్, అమెరికా మధ్యంతర వాణిజ్య ఒప్పందం కోసం ఒక చట్రాన్ని ప్రకటిస్తూ ఒక సంయుక్త ప్రకటనను విడుదల చేశాయి.