ఇటీవల కాలంలో ప్రధానంగా విద్యార్థులు, యువతను మానసిక సమస్యలు పీడిస్తున్నాయి. చదువుల పేరుతో విద్యార్థులు.. కెరీర్, ఉద్యోగాలు అంటూ యువత తీవ్రమైన ఒత్తిడిని ఎదుర్కొంటున్నారు. తమ సమస్యను కుటుంబ సభ్యులకూ చెప్పుకోలేక కొందరు ఆత్మహత్యలకు పా ల్పడుతున్నారు. ఉదాహరణకు నవంబర్ 18న పదో తరగది చదివే 16 ఏళ్ల శౌర్య ప్రదీప్ ఢిల్లీలోని రాజేంద్ర ప్యాలెస్ మెట్రో స్టేషన్‌లో ప్లాట్‌ఫార మ్ నుంచి దూకి ఆత్మహత్య చేసుకున్నాడు.

శౌర్య ఢిల్లీలోని సెయింట్ కొ లంబస్ స్కూళ్లో చదువుతున్నాడు. ‘నలుగురు టీచర్లు నన్ను మానసిక వే ధింపులకు గురి చేస్తున్నారు. వారిపై చర్యలు తీసుకోవాలి’ అని సూసైడ్ నోట్‌లో రాసుకున్నాడు. ఇదే నెల ఒకటో తేదీన జైపూర్‌లోని నీరజా మోడీ స్కూళ్లో నాలుగో తరగతి చదువుతున్న 9 ఏళ్ల అమైరా అదే స్కూల్ భవ నం నాలుగో అంతస్తు నుంచి దూకి ఆత్యహత్య చేసుకుంది. క్లాసులో తోటి విద్యార్థులు పదే పదే తనను హేళన చేస్తున్నారని..

ఈ విషయం టీచర్ల దృ ష్టికి తీసుకెళ్లినా వాళ్లు పట్టించుకోలేదని అమైరా తల్లిదండ్రులు వాపోయా రు. నాలుగు రోజుల క్రితం హైదరాబాద్‌లోని హబ్సిగూడకు చెందిన శ్రీవైష్ణవి అనే పదో తరగతి విద్యార్థిని మార్కులు తక్కువగా వచ్చాయని తల్లిదం డ్రులు మందలించడంతో వారు ఉంటున్న అపార్ట్‌మెంట్ భవనంపై నుం చి దూకి కన్నవాళ్లకు కడుపుకోతను మిగిల్చింది. ఇలా దేశంలో ప్రతీ 42 నిమిషాలకు చిన్న చిన్న కారణాలతో ఒక విద్యార్థి ప్రాణాలు తీసుకుంటున్నాడని జాతీయ నేర గణాంకాల విభాగం చెబుతోంది.

2013 మధ్య గణాంకాలు పరిశీలిస్తే.. 2013లో 8,423 మంది విద్యార్థుల ఆత్మహత్యలు చోటుచేసుకోగా, 2023లో 13,892 మంది ప్రాణాలు తీసుకో వడం గమనార్హం. విద్యార్థుల్లో ఆత్మహత్యలు పెరగడానికి మానసిక ఒత్తిడి సహా పలు కారణాలు ఉన్నాయని వైద్య నిపుణులు పేర్కొంటున్నారు. మా ర్కులు, ర్యాంకుల కోసం ఇతర విద్యార్థులతో పోటీ, విరామం లేని చదువులు, మంచి ర్యాంకు తెచ్చుకోవాలంటూ కుటుంబసభ్యుల నుంచి ఒత్తిళ్లు, ఆర్థికపరమైన సమస్యలు, ఉద్యోగం వస్తుందో రాదోనన్న ఆందోళన, సోష ల్ మీడియా ప్రభావం తదితర కారణాలు ఉన్నాయి.

మానసిక ఒత్తిళ్లు, ఆత్మహత్యల నుంచి యువతను, విద్యార్థులను దూరం చేసేందుకు పరిష్కార మార్గాలు మన చేతుల్లోనే ఉన్నాయి. పిల్లలు తమ అభిప్రాయాలను, భావోద్వేగాలను స్వేచ్ఛగా వెల్లడించే అవకాశం తల్లిదండ్రులు కల్పించాలి. తరచూ మార్కులు, ర్యాంకుల పేరుతో వేధింపులకు గురి చేయకుండా చదువుకు సంబంధించిన విలువను వాళ్లకు అర్థమయ్యే రీతిలో వివరించాలి. సోషల్ మీడియా, ఆన్‌లైన్ గేమ్స్‌కు అలవాటైన పిల్లలు సెల్‌ఫోన్ మీద ఎక్కువ సమయం వెచ్చిస్తూ ఒంటరితనంలో కూరుకుపోతున్నారు.

వారి ఒంటరితనాన్ని దూరం చేసేందుకు తల్లిదండ్రులు పిల్లలతో ఎక్కువ సమయం కేటాయించాలి. స్కూళ్లు, కాలేజీలు కెరీర్ కౌన్సెలింగ్‌కు ఇస్తున్న ప్రాధాన్యం సైకలాజికల్ కౌన్సెలింగ్‌కు కూడా ఇవ్వాలి. విద్యార్థుల్లో కనిపిం చే ఆందోళన, మానసిక ఒత్తిడి వంటి సమస్యలను నివారించడానికి మానసిక నిపుణులను ఏర్పాటు చేసుకోవాలి. విద్యార్థులకు, ఉపాధ్యాయులకు మధ్య సహృద్భావ వాతావరణం ఉండేలా విద్యాసంస్థలు చర్యలు తీసుకోవాల్సిన అవసరముంది. ఇవి కేవలం మార్గదర్శకాలు మాత్రమే కాదు.. భవిష్యత్తు తరాన్ని కాపాడుకునే రక్షణ మార్గాలుగా గుర్తుంచుకోవాలి.