కొనరావుపేట పోలీస్ స్టేషన్‌లో ఎస్పీ మహేష్ గితే తనిఖీ
-పెండింగ్ కేసుల త్వరితగతిన పరిష్కారానికి చర్యలు తీసుకోవాలి.
– పోలీస్ సిబ్బందికి ఎస్పీ ఆదేశాలు
కోనరావుపేట అక్టోబర్ 21 (విజయక్రాంతి): జిల్లాలో శాంతిభద్రతల పరిరక్షణతో(Maintenance of law and order) పాటు పోలీస్ స్టేషన్ల(Police stations) పనితీరును మరింత మెరుగుపరిచే లక్ష్యంతో బుధవారం జిల్లా ఎస్పీ మహేష్ బి.గితే(District SP Mahesh B. Githe) కోనరావుపేట పోలీస్ స్టేషన్‌ను(Konaraopeta Police Station) తనిఖీ చేశారు. ఈ సందర్భంగా స్టేషన్‌లోని కేసుల పురోగతి, పెండింగ్ దర్యాప్తులు(Pending investigations), రికార్డుల నిర్వహణ, సిబ్బంది హాజరు, రౌడీషీటర్లు(Rowdy-sheeters), నేరస్తులపై నిఘా తదితర అంశాలను సమీక్షించారు.అలాగే ప్రజలకు అందిస్తున్న పోలీస్ సేవల గురించి వివరాలు అడిగి తెలుసుకున్నారు.
ఈ సందర్భంగా ఎస్పీ మాట్లాడుతూ వివిధ సమస్యలతో పోలీస్ స్టేషన్‌కు వచ్చే బాధితులకు సత్వర న్యాయం అందించేలా ప్రతి ఒక్కరూ బాధ్యతాయుతంగా విధులు నిర్వహించాలని సూచించారు. పోలీస్ స్టేషన్ పరిధిలో ఎలాంటి అవాంఛనీయ సంఘటనలు చోటుచేసుకోకుండా నిరంతరం అప్రమత్తంగా ఉండాలని ఆదేశించారు.విధి నిర్వహణలో అలసత్వం వహిస్తే చట్టపరమైన చర్యలు తప్పవని హెచ్చరించారు.పోలీస్ స్టేషన్‌లో వివిధ విభాగాల వారీగా విధులు నిర్వహిస్తున్న సిబ్బంది పనితీరును వ్యక్తిగతంగా పరిశీలించారు.
అధికారులు, సిబ్బంది ఆధునిక సాంకేతిక పరిజ్ఞానంపై అవగాహన పెంపొందించుకోవాలని సూచించారు. స్టేషన్ పరిధిలో అసాంఘిక కార్యకలాపాలకు పాల్పడే వ్యక్తులపై చట్టప్రకారం కఠిన చర్యలు తీసుకోవాలని ఆదేశించారు.గ్రామీణ ప్రాంతాల ప్రజలు సైబర్ నేరాల బారిన పడకుండా స్టేషన్ పరిధిలోని అన్ని గ్రామాల్లో విస్తృతంగా అవగాహన కార్యక్రమాలు నిర్వహించాలని ఎస్పీ సూచించారు.
ఆన్‌లైన్ మోసాలు, నకిలీ లింకులు, ఓటీపీ మోసాలు, డిజిటల్ అరెస్టుల వంటి సైబర్ నేరాలపై ప్రజలకు అవగాహన కల్పించి అప్రమత్తం చేయాలన్నారు.విజిబుల్ పోలీసింగ్‌లో భాగంగా పోలీసులు ఎల్లప్పుడూ ప్రజలకు అందుబాటులో ఉండాలని, గ్రామీణ ప్రాంతాల్లో రాత్రి వేళల్లో పెట్రోలింగ్‌ను ముమ్మరం చేయాలని ఆదేశించారు.
డయల్ 112కు ఫోన్ కాల్ వచ్చిన వెంటనే పెట్రోలింగ్, బ్లూ కోల్ట్స్ సిబ్బంది స్పందించి సంఘటనా స్థలానికి చేరుకోవాలని, బాధితులకు తక్షణ సహాయం అందించాలని సూచించారు.ఈ తనిఖీలో ఎస్పీ వెంట సీఐ రవీందర్, ఎస్‌ఐ రామ్మోహన్‌తో పాటు పోలీస్ సిబ్బంది పాల్గొన్నారు.
