వడ్ల లారీ బోల్తా.. తప్పిన ప్రమాదం

18-11-2026 | 08:19am

భూపాలపల్లి టౌన్, నవంబర్ 18 ( విజయ క్రాంతి) : వడ్ల లోడుతో వెళ్తున్న లారీ అదుపు తప్పి బోల్తా పడిన ఘటన బుధవారం తెల్లవారుజామున జయశంకర్ భూపాలపల్లి( Jayashankar Bhupalpally ) జిల్లా కేంద్రంలో చోటు చేసుకుంది. వివరాల్లోకి వెళ్లితే కాటారం నుండి హైదరాబాదుకు వడ్ల లోడుతో వెళ్తున్న లారీ స్థానిక 5 ఇంక్లైన్ కమాన్ సమీపంలోని బీఆర్ఎస్ పార్టీ జిల్లా కార్యాలయం(BRS Party District Office) ఎదుట బోల్తా పడింది. ఆ సమయంలో ఎటువంటి వాహనాలు రాకపోవడంతో పెద్ద ప్రమాదమే తప్పింది. డ్రైవర్ నిద్ర మత్తులో ఉండడమే ప్రధాన కారణంగా తెలుస్తుంది. ఘటనలో డ్రైవర్, క్లీనర్ లకు ఎటువంటి ప్రమాదం జరగలేదు. లారీ ఆదిలాబాద్ కు చెందినదిగా సమాచారం పూర్తి వివరాలు తెలియాల్సి ఉంది.

మరిన్ని వార్తలు