దూసుకొస్తున్న అక్వాన్

18-11-2026 | 08:40am

అమరావతి, నవంబర్ 18 (విజయక్రాంతి): బంగాళాఖాతంలో ఏర్పడిన అక్వాన్ (Akvan) తుపాను క్రమంగా బలపడుతూ ఆంధ్రప్రదేశ్ తీరంవైపు కదులుతోంది. ప్రస్తుతం గంటకు కేవలం 3 కిలోమీటర్ల వేగంతో కదులుతున్న ఈ తుపాను.. బుధవారం ఉదయానికి తీవ్ర తుపానుగా మారే అవకాశం ఉందని వాతావరణ శాఖ అంచనా వేసింది. గురువారం సాయంత్రానికి ఇది Very Severe Cyclonic Stormగా బలపడవచ్చని హెచ్చరించింది. ప్రస్తుతం ఈ తుపాను చెన్నైకి 590 కిలోమీటర్లు, మచిలీపట్నానికి 620 కిలోమీటర్లు, విశాఖపట్నానికి 620 కిలోమీటర్ల దూరంలో కేంద్రీకృతమై ఉంది. పశ్చిమ వాయవ్య దిశగా కదులుతూ నవంబర్ 20వ తేదీ శుక్రవారం మధ్యాహ్నం నెల్లూరు–విశాఖపట్నం మధ్య ఆంధ్రప్రదేశ్ తీరాన్ని దాటే అవకాశం ఉందని భారత వాతావరణ శాఖ (IMD) తాజా బులెటిన్ వెల్లడించింది.

తీరం దాటే సమయంలో గాలుల తీవ్రత మరింత పెరగనుంది. గంటకు 120 నుంచి 130 కిలోమీటర్ల వేగంతో గాలులు వీయడంతో పాటు, గరిష్ఠంగా 145 కిలోమీటర్ల వేగంతో Gusty Winds బలంగా వీచే ప్రమాదం ఉందని అంచనా. గురువారం, శుక్రవారం కోస్తా జిల్లాల్లో భారీ నుంచి అత్యంత భారీ వర్షాలు కురిసే అవకాశం ఉంది. తీర ప్రాంత ప్రజలు అప్రమత్తంగా ఉండాలని, మత్స్యకారులు సముద్రంలోకి వెళ్లవద్దని, రైతులు పంటలు, వ్యవసాయ ఉత్పత్తుల విషయంలో ముందస్తు జాగ్రత్తలు తీసుకోవాలని అధికారులు సూచిస్తున్నారు.

మరిన్ని వార్తలు