ప్రజాస్వామ్య పరిరక్షణకు బీజేపీ మహాపాదయాత్ర

21-11-2026 | 05:00pm

23న కరీంనగర్‌లో జరిగే యాత్రను విజయవంతం చేయాలి

హుజురాబాద్,(విజయక్రాంతి): ఎస్‌ఐఆర్‌ ప్రక్రియ(SIR process)పై కాంగ్రెస్, దాని మిత్రపక్షాలు చేస్తున్న దుష్ప్రచారాన్ని తిప్పికొట్టి ప్రజల్లో అవగాహన కల్పించాలని బీజేపీ(BJP) నాయకులు పిలుపునిచ్చారు. ప్రజాస్వామ్య పరిరక్షణ లక్ష్యంగా ఈ నెల 23న కరీంనగర్‌లో భారతీయ జనతా పార్టీ ఆధ్వర్యంలో నిర్వహించనున్న మహాపాదయాత్ర(Maha Padayatra)ను విజయవంతం చేయాలని కోరారు.

మహాపాదయాత్ర విజయవంతం కోసం బీజేపీ హుజూరాబాద్ పట్టణ, మండల శాఖల ఆధ్వర్యంలో శనివారంసన్నాహక సమావేశం నిర్వహించారు. ఈ సమావేశానికి ముఖ్య అతిథులుగా బీజేపీ సంస్థాగత రాష్ట్ర సంయుక్త ప్రధాన కార్యదర్శి దశరథ్ జీ, మాజీ జిల్లా అధ్యక్షుడు గంగాడి కృష్ణారెడ్డి హాజరయ్యారు.

ఈ సందర్భంగా వారు మాట్లాడుతూ ఎస్‌ఐఆర్‌ ప్రక్రియపై ప్రజల్లో అపోహలు సృష్టించే ప్రయత్నాలను కార్యకర్తలు సమర్థవంతంగా తిప్పికొట్టాలని సూచించారు. ఎన్నికల ప్రక్రియపై ప్రజలకు వాస్తవాలను వివరించి ప్రజాస్వామ్య పరిరక్షణలో భాగస్వాములు కావాలని పిలుపునిచ్చారు.

ఈ నెల 23న కరీంనగర్‌లో జరిగే మహాపాదయాత్రలో బీజేపీ జాతీయ అధ్యక్షుడు నితిన్ నబిన్ పాల్గొననున్న నేపథ్యంలో పార్టీ శ్రేణులు పెద్ద సంఖ్యలో తరలిరావాలని కోరారు. హుజూరాబాద్ పట్టణ, మండల పరిధిలోని నాయకులు, కార్యకర్తలు సమన్వయంతో పనిచేసి యాత్రను విజయవంతం చేయాలని సూచించారు.

ఈ సమావేశంలో బీజేపీ హుజూరాబాద్ పట్టణ అధ్యక్షుడు తూర్పాటి రాజు, మండల అధ్యక్షుడు పారుపల్లి కొండల్ రెడ్డి, కౌన్సిలర్లు, సర్పంచులు, మాజీ అధ్యక్షులు, జిల్లా, పట్టణ పదాధికారులు, వివిధ మోర్చాల నాయకులు, బూత్ అధ్యక్షులు, శక్తి కేంద్రాల ఇన్‌చార్జులు, కార్యకర్తలు పాల్గొన్నారు.

మరిన్ని వార్తలు