నర్సయ్య కుటుంబానికి కాంగ్రెస్ భరోసా
వెంకటాపూర్, నవంబర్ 12 (విజయక్రాంతి): మండలంలోని రామానుజాపూర్ గ్రామానికి చెందిన వీబీ-జీ-రామ్-జీ ఉపాధి హామీ పథకం ఫీల్డ్ అసిస్టెంట్ నిమ్మల నర్సయ్య గుండెపోటుతో మృతి చెందడంతో కాంగ్రెస్ పార్టీ నాయకులు ఆయన కుటుంబాన్ని పరామర్శించారు (Family Visit).
మంత్రి సీతక్క ఆదేశాలు, ములుగు జిల్లా కాంగ్రెస్ అధ్యక్షుడు పైడాకుల అశోక్ సూచనల మేరకు మండల కాంగ్రెస్ పార్టీ అధ్యక్షుడు బండి శ్రీనివాస్ పార్టీ నాయకులతో కలిసి నర్సయ్య పార్థివదేహానికి పూలమాల వేసి నివాళులర్పించారు (Tribute Ceremony). అనంతరం కుటుంబ సభ్యులను పరామర్శించి ప్రగాఢ సానుభూతి తెలిపారు (Condolences).
ఈ సందర్భంగా మంత్రి సీతక్క ఫోన్ ద్వారా నర్సయ్య కుటుంబ సభ్యులతో మాట్లాడి ధైర్యం చెప్పారు. కాంగ్రెస్ పార్టీ ఎల్లప్పుడూ మీ కుటుంబానికి అండగా ఉంటుందని, పార్టీ నాయకులు అన్ని వేళలా అందుబాటులో ఉంటూ అవసరమైన సహకారం అందిస్తారని భరోసా ఇచ్చారు (Family Support).
ఈ కార్యక్రమంలో గ్రామ సర్పంచ్ అశోక్, ఉపసర్పంచ్ రవి, గ్రామ కమిటీ అధ్యక్షుడు రవి, పాలంపేట గ్రామ కమిటీ అధ్యక్షుడు నర్సయ్య, పీఏసీఎస్ చైర్మన్ రమేష్, మాజీ ఎంపీపీ సమ్మయ్య, మాజీ సర్పంచ్ రాజిరెడ్డి, నాయకులు రమేష్ తదితరులు పాల్గొన్నారు.
