గ్యాంగ్‌వార్.. వెంటాడి చంపేశారు
జైపూర్‌: రాజస్థాన్ రాజధాని జైపూర్‌లో నడిరోడ్డుపై జరిగిన దారుణ హత్య స్థానికంగా కలకలం రేపింది. జోబ్నేర్‌కు చెందిన హిస్టరీషీటర్ విజయ్ బాజియాను ప్రత్యర్థులు పక్కా ప్లాన్‌తో అడ్డగించి హతమార్చారు. బుధవారం రాత్రి తన Toyota Fortunerలో జైపూర్‌కు వస్తుండగా కర్ధానీ పోలీస్ స్టేషన్ పరిధిలోని జగదంబా నగర్ వద్ద 4 నుంచి 6 మంది దుండగులు క్యాంపర్ వాహనంతో ఆయన కారును బలంగా ఢీకొట్టి ఆపారు. దీంతో కారు నుంచి బయటకు వచ్చి ప్రాణాలు కాపాడుకునేందుకు విజయ్ పరుగులు తీయగా, దుండగులు వెంబడించి చుట్టుముట్టారు. అనంతరం గొడ్డళ్లు, కర్రలు, ఇతర పదునైన ఆయుధాలతో దాడి చేయడంతో ఆయన తీవ్రంగా గాయపడి ప్రాణాలు కోల్పోయారు. ఈ దాడి సుమారు ఐదు నిమిషాల్లోనే ముగిసినట్లు పోలీసుల ప్రాథమిక సమాచారం.
ఈ ఘటనతో జైపూర్‌లో భయాందోళనలు నెలకొన్నాయి. దాడి జరిగిన సమయంలో కొందరు స్థానికులు తమ Mobile Phonesలో ఘటనకు సంబంధించిన దృశ్యాలను రికార్డు చేసినట్లు సమాచారం. ప్రాథమిక దర్యాప్తులో రెండు వర్గాల మధ్య ఉన్న పాత కక్షలే హత్యకు కారణమై ఉండవచ్చని పోలీసులు అనుమానిస్తున్నారు. దుండగులు కొంతకాలంగా విజయ్ వాహనాన్ని అనుసరిస్తున్నట్లు కూడా విచారణలో వెల్లడైనట్లు కథనాలు పేర్కొన్నాయి. ఘటన అనంతరం పోలీసులు నగరంలో ప్రత్యేక తనిఖీలు చేపట్టి, నిందితుల కోసం Manhunt ప్రారంభించారు. ఈ హత్య వెనుక అసలు కారణం, దాడిలో పాల్గొన్న వారి వివరాలపై దర్యాప్తు కొనసాగుతోంది.
जयपुर में बीच सड़क कुल्हाड़ी, डंडो, सरियों से पीट पीट कर हिस्ट्रीशीटर विजय बाजिया की हत्या। पहले बदमाशो ने विजय की फॉरच्यूनर को टक्कर मार कर रोका, विजय गाड़ी से निकल कर भागा तो बदमाशो ने तुरंत घेर लिया और डंडों, सरियों और कुल्हाड़ी से ताबड़ तोड़ वार कर के हत्या कर दी। राजस्थान की राजधानी जयपुर में आए दिन ऐसी वारदातें होने लगी है। गुंडों बदमाशो को कानून का कोई खौफ नहीं है।
— Manraj Meena (@ManrajM7) November 12, 2026
