హైదరాబాద్: ఐబొమ్మ రవి(ibomma Ravi) రెండో విడత కస్టడీ నేటితో ముగుస్తోంది. మూడో రోజు రవిని సైబర్ క్రైమ్ పోలీసులు(Cybercrime police) విచారిస్తున్నారు. పైరసీ కేసులో సాంకేతిక ఆధారాలు సేకరిస్తున్నారు. దేశ, విదేశాల్లో ఉన్న ఏజెంట్లు, ఉద్యోగుల వివరాలను పోలీసులు సేకరిస్తున్నారు. ఇమ్మడి రవి ఇప్పటికే రూ. లక్షలతో విదేశీ పౌరసత్వం పొందిన విషయం తెలిసిందే. పైరసీ గుట్టు బయటపడ్డా.. విదేశీ పౌరసత్వంతో తప్పించుకోవచ్చని భావిస్తున్నట్లు పోలీసులు వెల్లడించారు. ఆరేళ్లు అయినా పోలీసులు పట్టుకోలేదనే ధీమాతో నెట్ వర్క్ ను విస్తరించినట్లు అధికారులు చెప్పారు. సాయంత్రం విచారణ ముగిశాక కోర్టులో హాజరుపర్చి జైలుకు తరలించనున్నట్లు పోలీసులు వెల్లడించారు.