బక్రీద్ తర్వాతి రోజు సెలవు ఇవ్వాలి

బక్రీద్ పండుగ మరుసటి రోజు రాష్ట్ర ప్రభుత్వం అన్ని ప్రభుత్వ కార్యాలయాలకు సెలవు ప్రకటించాలి. చాలా మంది ఆడపిల్లలు పండుగను ఇంట్లో చేసుకొని, మరుసటి రోజు పుట్టింటికి వస్తారు. చాలా ఇళ్లల్లో ఆడపిల్లలు ఇంటికి వచ్చినప్పుడే ఖుర్బానీ ఇస్తారు. ఈ పండుగను మూడు రోజులు జరుపుకుంటారు. త్యాగానికి ప్రతీకగా చెప్పుకొనే ఈ పండుగ ప్రాముఖ్యతను ప్రభుత్వం గుర్తించాలి. పలు పండుగలకు మరుసటి రోజు ‘ఫాలోయింగ్ డే’గా సెలవు ఇస్తున్నారు. ఈ నేపథ్యంలోప్రభుత్వం బక్రీద్ పండుగ మరుసటి రోజు ఫాలోయింగ్ డేగా సెలవు ప్రకటించేందుకు చర్యలు తీసుకోవాలి. 

 షేక్ అస్లాం షరీఫ్, శాంతినగర్