భార్య ఇంటికి ఆభరణం!

నేడు ప్రపంచ వివాహ దినోత్సవం

భరించేది భార్య

బతుకు నిచ్చేది భార్య

చెలిమి నిచ్చేది భార్య

చేరదీసేది భార్య

ఆకాశాన సూర్యుడు లేకపోయినా...

ఇంట్లో భార్య లేకపోయినా...

అక్కడ జగతికి వెలుగుండదు,

ఇక్కడ ఇంటికి వెలుగుండదు. 

భర్త వంశానికి సృష్టికర్త

మొగుడి అంశానికి మూలకర్త

కొంగు తీసి ముందుకేగినా...

చెంగు తీసి మూతి తుడిచినా.. ముడిచినా..

తనకు లేరు ఎవరూ సాటి 

ఇలలో తను లేని ఇల్లు.. కలలో....

ఊహకందని భావన.

బిడ్డల నాదరించి, పెద్దల సేవలో తరించి

భర్తని మురిపించి.. మైమరపించి...

బతుకుమీద ఆశలు పెంచి

చెడు ఆలోచనలు త్రుంచి

భ్రమరంలా ఎగురుతూ

భర్తను భ్రమల నుండి కిందకు దించుతూ

కళ్ళు కాయలు కాచేలా

భర్త జీవితాన పువ్వులు పూచేలా చేసిన

జీతం లేని పని మనిషి.

జీవితాన్ని అందించే మన మనిషి.

 ... 

ఏమిచ్చి తీర్చుకోగలం భార్య రుణం 

ఆమెకు భారం కాకుండా ఉండడం తప్ప.. 

ఒకరికి ఒకరు తోడు నీడ చిరకాలం. 

బిడ్డల బాధ్యతలు తీరాక వృద్ధాప్యంలో 

నూతన వసంతం తోడు నీడ బంధం. 

అదే భార్యకు మనమిచ్చే విలువైన ఆభరణం..!