అనంతపురంలో ఆదిత్య బిర్లా హౌసింగ్ నూతన శాఖ

ఏప్రిల్, 2026: ఆదిత్య బిర్లా క్యాపిటల్ లిమిటెడ్ యొక్క అనుబంధ సంస్థ మరియు ప్రముఖ హౌసింగ్ ఫైనాన్స్ కంపెనీ అయిన ఆదిత్య బిర్లా హౌసింగ్ ఫైనాన్స్ లిమిటెడ్ (ఏబిహెచ్ఎఫ్ఎల్), తమ భారతదేశ వ్యాప్త పంపిణీ నెట్‌వర్క్‌ను విస్తరించే పనిలో పడింది. ఈ ప్రణాళికలో భాగంగా, అనంతపురంలో ఒక కొత్త శాఖను ప్రారంభించడం ద్వారా ఆంధ్రప్రదేశ్‌లో తమ కార్యకలాపాలను విస్తరించింది. ఈ శాఖ ప్రారంభంతో, ఆంధ్రప్రదేశ్‌లో ఏబిహెచ్ఎఫ్ఎల్ యొక్క మొత్తం నెట్‌వర్క్ 12 శాఖలకు పెరిగింది.

ఇది వేగంగా అభివృద్ధి చెందుతున్న మార్కెట్లలో తమ కార్యకలాపాలను విస్తృతం చేయడంతో పాటు, వినియోగదారులకు మరింతగా చేరువ కానుంది.  అనంతపురంలో క్రమంగా పట్టణాభివృద్ధి జరుగుతోంది. స్వయం ఉపాధి, చిన్న వ్యాపార వినియోగదారుల పెరుగుదల కారణంగా సరసమైన గృహాలకు డిమాండ్ కూడా పెరుగుతోంది. ఈ కొత్త శాఖ, అందుబాటు ధరలలో మరియు స్థానిక పరిస్థితులకు అనుగుణంగా గృహ రుణ పరిష్కారాలను అందించడం ద్వారా పెరుగుతున్న ఈ డిమాండ్‌ను తీర్చనుంది. వేతన జీవులు, స్వయం ఉపాధి పొందుతున్న నిపుణులు, స్వయం ఉపాధి పొందుతున్న ఇతరులు  మరియు వర్ధమాన ఆదాయ వర్గాలతో సహా వివిధ రకాల వినియోగదారుల విభాగాలు కోసం ప్రత్యేకంగా రూపొందించిన సమగ్ర గృహ రుణ పరిష్కారాలను ఏబిహెచ్ఎఫ్ఎల్ అందిస్తుంది. 

ఈ ప్రారంభోత్సవాన్ని పురస్కరించుకుని, ఏబిహెచ్ఎఫ్ఎల్ ఏప్రిల్ 27 నుండి మే 31, 2026 వరకు వర్తించేలా, ఎటువంటి లాగిన్ ఫీజులు లేకుండా రూ. 50 లక్షల వరకు తక్షణ రుణ మంజూరు సౌకర్యంతో కూడిన ప్రత్యేక ఆఫర్‌ను అందిస్తోంది. దీని ద్వారా ఈ కొత్త శాఖలలోని వినియోగదారులు మరింత వేగంగా, అందుబాటు ధరలో రుణ సదుపాయాన్ని పొందగలుగుతారు. ఈ విస్తరణపై ఆదిత్య బిర్లా హౌసింగ్ ఫైనాన్స్ లిమిటెడ్ ఎండీ, సీఈఓ పంకజ్ గాడ్గిల్ మాట్లాడారు. ఆంధ్రప్రదేశ్ తమకు ఒక కీలకమైన వృద్ధి మార్కెట్ గా అభివర్ణించారు. మెరుగైన డిమాండ్ , పెరుగుతున్న ఆకాంక్షల దృష్ట్యా, వినియోగదారులతో తమ అనుబంధాలను మరింతగా పెంపొందించుకోవడానికి  ప్రాంతీయ కార్యకలాపాలను విస్తరిస్తున్నామని చెప్పారు.  

సంతోషకరమైన గృహ రుణ ప్రయాణం’ అందించాలనే తమ వాగ్దానానికి అనుగుణంగా, ఈ విస్తరణ వినియోగదారుల ప్రాధాన్యత, బాధ్యతాయుతమైన రుణాల మంజూరు, వైవిధ్యభరితమైన, సూక్ష్మమైన రిటైల్ పోర్ట్‌ఫోలియో ద్వారా ఆర్థిక సమ్మిళితాన్ని ప్రోత్సహించడంపై ఏబీహెచ్‌ఎఫ్‌ఎల్ యొక్క నిరంతర దృష్టికి ఇది నిదర్శనమన్నారు.