1. ఏడాదికి మూడు సిలిండర్లు, ఫ్రిజ్, విద్యారుణాలు మాఫీ
   

పురుషులకు ఉచిత బస్సు ప్రయాణం

మహిళా ఉద్యోగులకు టూవీలర్ కొనుగోళ్లలో రాయితీ

చెన్నై, మార్చి 24: రేషన్ కార్డు కలిగిన కుటుంబాలకు ఉచితంగా ఫ్రిజ్, ఏడాదికి మూ డు గ్యాస్ సిలిండర్లను అందజేస్తామని ఏఐడీఎంకే ప్రకటించింది. మంగళవారం చెన్నైలోని పార్టీ ప్రధాన కార్యాలయంలో ఎడప్పాడి పళనిస్వామి ప్రముఖులతో కలిసి మ్యానిఫెస్ట్టో విడుదల చేశారు. బ్యాంకుల నుంచి తీసుకున్న విద్యారుణాలను మాఫీ చేస్తామని, ప్రతి కు టుంబానికి రూ. 10 వేల ఆర్థిక సాయం, రేషన్ కార్డు ఉన్నవారికి బియ్యంతోపాటు, కిలో పప్పు, కిలో మంచినూనె అందజేస్తామని, జల్లికట్టు యోధుల కుటుంబాలకు రూ. 10 లక్షల ఆర్థిక సాయం,

సామాజిక భద్రతా పింఛను రూ.2వేలకు పెంచుతామని అందులో ప్రకటించారు. మహిళల మాదిరిగానే పురుషులకు ఉచిత బస్సు ప్రయాణ పథకాన్ని తీసుకొస్తామని, రూ. 25వేల రాయితీతో 5 లక్షల మంది మహిళా ఉద్యోగులకు ద్విచక్ర వాహనాలు అందిస్తామని ప్రకటించారు. తమిళనాడు అసెంబ్లీ ఎన్నికలు దగ్గర పడుతున్న తరుణం లో ఏఐడీఎంకే విడుదల చేసిన మ్యానిఫెస్ట్టోతో ఒక్కసారిగా రాజకీయాలు వేడెక్కినట్లయ్యింది.