ఘట్ కేసర్,(విజయక్రాంతి): ఒకే పాఠశాలలో చదువుకున్న పూర్వ విద్యార్థులు చాలా కాలం తర్వాత ఆత్మీయ సమ్మేళనం ద్వారా కలుసుకున్నారు. ఘట్ కేసర్ జిల్లా పరిషత్ ఉన్నత పాఠశాలలో 1972–73 సంవత్సరంలో 10వతరగతి చదివిన విద్యార్థులు వివిధ ప్రాంతాల నుండి వచ్చి హాజరై అలనాటి మధుర జ్ఞాపకాలను గుర్తు చేసుకుంటూ ఆనందంగా గడిపారు. మొదట సరస్వతి దేవి చిత్రపటానికి పూలమాల వేసి జ్యోతి ప్రజ్వలన చేశారు. గురువులను స్మరించుకుంటూ వారికి కృతజ్ఞతలు తెలిపారు. కార్యక్రమంలో సాంస్కృతిక కార్యక్రమాలు, సత్కారాలు కూడా నిర్వహించబడ్డాయి. ఈసమ్మేళనం అందరికీ ఆనందభరితమైన మరియు మరపురాని అనుభూతిని కలిగించింది.