న్యూఢిల్లీ: పంజాబ్‌లోని అమృత్‌సర్‌లో గూఢచర్యం ఆరోపణలపై ఇద్దరు వ్యక్తులను అరెస్టు చేసిన తరువాత, నిందితులలో ఒకరైన ఆర్మీ సిపాయి(Army jawan) పాకిస్తాన్ ఇంటర్-సర్వీసెస్ ఇంటెలిజెన్స్ (Inter-Services Intelligence)తో సంప్రదింపులు జరుపుతున్నట్లు పోలీసు అధికారులు తెలిపారు. "భారత సైన్యంలో సిపాయిగా పనిచేస్తున్న గురుప్రీత్ గోపీకి ఐఎస్ఐ పరిచయాలు ఉన్నాయని, వారితో సంప్రదింపులు జరుపుతున్నాడని మాకు సమాచారం అందింది. అతను ధరివాల్ గ్రామానికి చెందిన తన స్నేహితుడు సాహిల్ మాసిహ్ తో అనుమానాస్పద ద్రవ్య లావాదేవీలు నిర్వహిస్తున్నాడు" అని అమృత్ సర్ గ్రామీణ పోలీసు(Amritsar Rural Police) సీనియర్ సూపరింటెండెంట్ ఆఫ్ పోలీస్ (ఎస్ఎస్పీ) మణీందర్ సింగ్ మీడియాకి తెలిపారు. గురుప్రీత్ పై అధికారిక రహస్యాల చట్టంలోని సెక్షన్లు 359, భారతీయ న్యాయ సంహిత (బిఎన్ఎస్)లోని సెక్షన్ 35 కింద కేసు నమోదు చేసి విచారిస్తున్నట్లు ఎస్ఎస్పి సింగ్ తెలిపారు.

"సమాచారం సేకరించిన తర్వాత, గురుప్రీత్ జమ్మూలో పోస్ట్ చేయబడ్డాడని మాకు తెలిసింది. అతన్ని అదుపులోకి తీసుకున్న తర్వాత, మాకు చాలా నేరారోపణ డేటా దొరికింది. వివరణాత్మక దర్యాప్తు తర్వాత, మేము ఎఫ్ఐఆర్ నమోదు చేసి అతన్ని అరెస్టు చేసాము. మేము భద్రతా, నిఘా సంస్థలకు సమాచారం అందించాము. సంయుక్తంగా విచారణ జరుగుతోంది" అని ఎస్ఎస్పీ సింగ్ అన్నారు. పాకిస్తాన్ ఐఎస్ఐతో సంబంధం ఉన్న గూఢచర్య కార్యకలాపాలకు పాల్పడుతున్నారనే అనుమానంతో గురుప్రీత్ సింగ్ అకా గోపీ ఫోజీ, సాహిల్ మాసిహ్ అకా షాలిగా గుర్తించబడిన ఇద్దరు వ్యక్తులను ఆదివారం అరెస్టు చేశారు. పంజాబ్ డైరెక్టర్ జనరల్ ఆఫ్ పోలీస్ (Director general of police) ఎక్స్ లో పోస్ట్ చేసారు. ప్రాథమిక దర్యాప్తులో గురుప్రీత్ సింగ్ ఐఎస్ఐ కార్యకర్తతో ప్రత్యక్ష సంబంధం కలిగి ఉన్నాడని, పెన్ డ్రైవ్‌ల ద్వారా సున్నితమైన, గోప్యమైన సమాచారాన్ని పంచుకున్నాడని అనుమానించబడ్డాడని తేలింది. ఈ కేసులో ప్రమేయం ఉన్న ఐఎస్ఐ కీలక నిర్వాహకుడిని రాణా జావేద్‌గా గుర్తించారు. ఐఎస్ఐ కార్యకర్తలతో కమ్యూనికేట్ చేయడానికి ఉపయోగించిన రెండు మొబైల్ ఫోన్‌లను స్వాధీనం చేసుకున్నట్లు అధికారులు తెలిపారు.