ఇంటర్ సప్లిమెంటరీ పరీక్షలకు ఏర్పాట్లు పూర్తి

బేల,(విజయక్రాంతి): ఈనెల 13 నుంచి నిర్వహించనున్న ఇంటర్ సప్లిమెంటరీ పరీక్షలకు బేల ప్రభుత్వ జూనియర్ కళాశాలలో అధికారులు అన్ని ఏర్పాట్లు పూర్తి చేసినట్లు పరీక్షలకు చీఫ్ సూపరింటెండెంట్‌ వహీద్ ఖాన్, డిపార్ట్‌మెంటల్ అధికారిగా సంతోష్‌ లు తెలిపారు. ఫస్టియర్ జనరల్ 141 మంది, ఒకేషనల్ 10 మంది, సెకండియర్ జనరల్ 63 మంది, ఒకేషనల్ ఇద్దరు విద్యార్థులు పరీక్ష రాయనున్నారు. విద్యార్థులకు ఎటువంటి ఇబ్బందులు కలగకుండా పరీక్ష కేంద్రంలో తాగునీరు, విద్యుత్, ఫ్యాన్లు, సీటింగ్ ఏర్పాటు వంటి మౌలిక సదుపాయాలు కల్పించినట్లు చెప్పారు. పరీక్షా కేంద్రం పరిసరాల్లో ప్రశాంత వాతావరణం ఉండేలా చర్యలు తీసుకున్నామని తెలిపారు.