కుంటాల (విజయక్రాంతి): కుంటాల మండలంలోని ఆయా గ్రామ పంచాయతీలో ఆదివారం నుంచి గ్రామ పంచాయతీ ఎన్నికలకు నామినేషన్ల దాఖలకు అన్ని ఏర్పాట్లు చేసినట్టు ఎంపీఓ రహీం తెలిపారు. శనివారం మండల పరిషత్ కార్యాలయంలో నామినేషన్ పత్రాలు ఎన్నికల సామాగ్రి సిద్ధం చేసి నామినేషన్ దాఖల్లో విధులు నిర్వహించే అధికారులు ఎన్నికల నిబంధనలకు లోబడి పని చేయాలని సూచించారు. అంతకుముందు మండలంలోని వివిధ గ్రామాల్లో నామినేషన్ కేంద్రాలను పరిశీలించి అక్కడ ఏర్పాట్లను అడిగి తెలుసుకున్నారు. నామినేషన్ల ప్రక్రియ ప్రశాంతంగా ముగిసేందుకు అన్ని చర్యలు తీసుకుంటున్నట్టు తెలిపారు. ఈ కార్యక్రమంలో మండల అభివృద్ధి కార్యాలయం అధికారులు పాల్గొన్నారు.