కేంద్రమంత్రిగా బాధ్యతలు చేపట్టిన బండి సంజయ్

న్యూఢిల్లీ: భారతీయ జనతా పార్టీ (బిజెపి) జాతీయ ప్రధాన కార్యదర్శి, కరీంనగర్ పార్లమెంటు సభ్యుడు గురువారం న్యూఢిల్లీలోని సచివాలయ భవనంలోని నార్త్ బ్లాక్‌లో హోంశాఖ సహాయ మంత్రిగా బాధ్యతలు స్వీకరించారు. శ్రీశ్రీశ్రీ జగద్గురు శంకరాచార్య, హంపి విరూపాక్ష విద్యారణ్య పీఠాధిపతి శ్రీశ్రీశ్రీ విద్యారణ్య భారతి స్వామీజీ సమక్షంలో బాధ్యతలు చేపట్టారు.  ఈ సందర్భంగా బండి సంజయ్ మాట్లాడుతూ.. దేశ భద్రత కోసం తనను తాను అంకితం చేసుకోవడానికి ఎదురుచూస్తున్నానని చెప్పారు. ప్రధానమంత్రి నరేంద్రమోదీ, కేంద్ర హోంమంత్రి అమిత్ షా మార్గదర్శకత్వంలో తన బాధ్యతలను నిర్వర్తిస్తానని ఆయన ఉద్ఘాటించారు. బండి సంజయ్ కుమార్‌తో పాటు, తెలంగాణ బిజెపి అధ్యక్షుడు జి కిషన్ రెడ్డి బొగ్గు, గనుల మంత్రిత్వ శాఖకు క్యాబినెట్ మంత్రిగా బాధ్యతలు స్వీకరించారు.