1. కాంగ్రెస్ వచ్చాక 10 శాతం డిమాండ్.
2. కాంగ్రెస్ వచ్చాక డిమాండ్ పెరిగింది.
3. ఎనర్జీ వినియోగంలో భారత్ ఆరోస్థానం.
4. 2047నాటికి లక్ష మెగావాట్ల విద్యుత్ అవసరం.

హైదరాబాద్: విద్యుత్ అవసరాలు తీర్చేందుకు పవర్ ఫుల్ ప్రణాళికలు తయారు చేశామని డిప్యూటీ సీఎం భట్టి విక్రమార్క(Deputy CM Mallu Bhatti Vikramarka ) పేర్కొన్నారు. స్పష్టమైన అవగాహనతో విద్యుత్ రంగంపై పవర్ పాయింట్ ప్రజంటేషన్ ఇచ్చినట్లు భట్టి విక్రమార్క తెలిపారు. 2047 వరకు 3 ట్రిలియన్ డాలర్ల ఎకనామీగా చేరాలని తీర్చిదిద్దుతున్నామని వెల్లడించారు. సీఎం రేవంత్ రెడ్డి(CM Revanth Reddy), కేబినెట్ సహచరులు కలిసి నిర్ణయం తీసుకున్నామని వివరించారు. మూడు ట్రిలియన్ డాలర్ల ఎకానమీగా చేరడానికి పెట్టుబడులు రావాలన్నారు.

తెలంగాణను ప్రపంచస్థాయి నగరంగా అభివృద్ధి చేస్తామన్నారు. ఉత్పత్తి రంగాలు అభివృద్ధి చెందితేనే అశించిన స్థాయిలో ఎకానమీ ఉంటుందని సూచించారు. పదేళ్లుగా రాష్ట్రంలో విద్యుత్ వినియోగం భారీగా పెరుగుతోందని చెప్పారు. కాంగ్రెస్ ప్రభుత్వం(Congress Government) వచ్చాక 10 శాతం విద్యుత్ డిమాండ్ పెరిగిందని స్పష్టం చేశారు. 2047 నాటికి మూడు ట్రిలియన్ ఎకానమీగా తీర్చిదిద్దాలనే లక్ష్యంతో ప్రభుత్వం ముందుకెళ్తోందని పునరుద్ఘాటించారు. ఆ దిశగా విద్యుత్ తయారు చేసుకోవాలని ప్రణాళికలు చేస్తున్నామని తెలిపారు. ఎనర్జీ వినియోగంలో భారత్ ఆరో స్థానంలో ఉందని భట్టి విక్రమార్క సూచించారు.

2014లో పవర్ డిమాండ్(Power demand)లో 6,755 మెగావాట్లు ఉండేది, 2025లో 18,138 మెగావాట్లకు పెరిగిందని తెలిపారు. 2034 నాటికి 39,229 మెగావాట్లకు పెరుగుతోందని ఆకాంక్షించారు. 2025 నుంచి ప్రతి ఏటా 8.50 శాతం పెరుగుతుందన్నారు. 2047 నాటికి ప్రతి ఏటా 10 శాతం పవర్ గ్రోత్ అవసరం ఉంటుందని డిప్యూటీ సీఎం పేర్కొన్నారు. విద్యుత్ ఉంటేనే అన్ని రంగాలు అభివృద్ధి చెందుతాయని చెప్పారు. భవిష్యత్తులో హైదరాబాద్ గ్లోబల్ హబ్(Hyderabad global hub) కు మారబోతోందని భట్టి విక్రమార్క చెప్పారు. 2047 నాటికి లక్ష మెగావాట్ల విద్యుత్ అవసరం ఉంటుందన్నారు. విద్యుత్ రంగంలో పెట్టుబడులు పెరగాల్సిన అవసరం ఉందని తెలిపారు. ప్రస్తుతం విద్యుత్ ఉత్పత్తి(Electricity Generation) 24,760 మెగావాట్ల ఉందని వివరించారు. విద్యుత్ స్టోరేజ్ పై ఇప్పటి వరకు ఎలాంటి ప్రణాళికలు చేయలేదని డిప్యూటీ సీఎం భట్టి విక్రమార్క వెల్లడించారు.